Agjencia Zhurnal.mk.

Iranit do t’i përgjigjemi në mënyrë kolektive, thotë SHBA-ja

Sekretari amerikan i Shtetit, Antony Blinken përsëriti zotimin e tij për një “përgjigje kolektive” ndaj Iranit, pasi ky vend u fajësua për një sulm ndaj një cisterne nafte në brigjet e Omanit.

 

Cistera Mercer Street, e cila menaxhohet nga një kompani izraelite, është sulmuar në ujërat e Omanit më 29 korrik. Një roje britanike e sigurisë dhe një anëtar i ekuipazhit rumun u vranë gjatë sulmit.

“Ne jemi në kontakt shumë të ngushtë dhe në koordinim, me Mbretërinë e Bashkuar, Izraelin, Rumaninë dhe vende të tjera. Do të ketë një përgjigje kolektive”, u tha Blinken gazetarëve.

Blinken e quajti incidentin një “kërcënim të drejtpërdrejtë për lirinë e lundrimit dhe të tregtisë”.

“Irani vazhdon të veprojë me papërgjegjshmëri të jashtëzakonshme”, tha ai.

Teherani paralajmëroi se do të përgjigjet me shpejtësi ndaj çdo kërcënimi për sigurinë e tij, pasi Mbretëria e Bashkuar thirri ambasadorin iranian për shkak të incidentit në brigjet e Omanit.

Britania e Madhe, Shtetet e Bashkuara dhe Izraeli kanë akuzuar Iranin se qëndron pas asaj që ata thanë se ishte një bombardim vdekjeprurës.

Kryeministri izraelit, Naftali Bennett akuzoi Teheranin se në mënyrë “frikacake” po e mohon përgjegjësinë, ndërsa ministri i Jashtëm tha se sulmi meriton një përgjigje të ashpër.

Related posts

U kap me 14 emigrantë të paligjshëm, arrestohet një 40 vjeçar në Tiranë, një tjetër në kërkim

Redaksia

Komiteti për Punë të Jashtme i Senatit amerikan: Mirënjohës Kosovës dhe Shqipërisë për gatishmërinë e treguar për strehimin e afganëve

Redaksia

Luftanijet amerikane e kanadeze lundrojnë përmes ngushticës së Tajvanit

D V

This website uses cookies to improve your experience. We'll assume you're ok with this, but you can opt-out if you wish. Accept Read More