Agjencia Zhurnal.mk.

I vuri çarçafin në kokë dhe e preu në qafë, sulmohet infermierja në spitalin e Kumanovës

Shkup, 30 shtator – Një kumanovar para dy netëve ka hyrë në klinikën infektive në spitalin e Kumanovës dhe në mënyrë brutale ka sulmuar një motër medicinale, ndërsa drejtoresha e spitalit dyshon se motivi i këtij sulmi ka qenë tentimi për vjedhje, transmeton Zhurnal.

 

Sipas informatave të portalit SDK.mk, motra medicinale është sulmuar derisa kryente obligimet e saja në ambulantë. Sulmuesi i është afruar dhe i ka vendosur një çarçaf në kokë, me çka ka filluar ta ngulfatë dhe ta godet. Ajo ka rënë në tokë, ndërsa sulmuesi i ka mbyllur gojën që të mos mundet të bërtasë. Sulmuesi ka marë gërshërët dhe e ka lënduar atë duke i shkaktuar prerje në krahun e majtë dhe në qafë, me çka vajza ka humbur ndjenjat. Gjithë këtë tollovi e kanë dëgjuar koleget e saj dhe kishin ardhë të shohin çfarë po ndodhë, ndërsa e kanë gjetur kolegen në tokë me çarçaf në kokë dhe pa ndjenja. Pasi e kanë zgjuar, menjëherë kanë thirrë policinë dhe kanë alarmuar sigurimin. Sulmuesi ndërkohë ka ikur, por më vonë është arrestuar. Bëhet fjalë për 38 vjeçarin F.J, banor i Kumanovës.

Ende nuk dihet si ai ka hyrë në ndërtesën e spitalit, sepse dyert e repartit mbyllen në mesnatë, ndërsa pacientët që vijnë për ndihmë i bien ziles.

Drejtoresha e spitalit Snezhana Zaharieva ka konfirmuar rastin, me çka thotë se edhe një herë është dëshmuar se punonjësit shëndetësor nuk janë të sigurtë në vendet e punës. Ajo dyshon se sulmi ka qenë për vjedhje sepse motra e sulmuar ka qenë duke regulluar arkën nga pagesat ditore nga participimet e pacientëve të kontrolluar. Sulmuesi nuk ka arritur të vjedhë asgjë sepse atë moment ishin nisur për ndihmë kolegët tjerë./Zhurnal.mk

Related posts

Sanksionohen 193 shoferë për shpejtësi të palejuar

Z.H

Gërkovska – Mekarti: Është i nevojshëm avancim i transparencës financiare të partive politike

Xh M

Takim Sela- Ludva: Invazioni rus në Ukrainë mbetet shqetësimi kryesor për ne dhe botën

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More