Agjencia Zhurnal.mk.

Hungaria miraton ligjin që ndalon përmbajtjen LGBT për të miturit

Parlamenti i Hungarisë miratoi ligjin që ndalon diskutimet dhe shpërndarjen në shkolla të informacioneve, që mendohet se promovojnë homoseksualitetin dhe ndërrimin e gjinisë.

 

Kritikët e cilësuan masën si sulm mbi të drejtat e komunitetit homoseksual, lesbik, biseksual dhe transseksual (LGBT).

Legjislacioni u mbështet nga 157 ligjvënës, nga 199 sa ka Parlamenti hungarez në total.

Ligjvënësit e opozitës e bojkotuan votimin, me përjashtim të atyre nga partia e krahut të djathtë Jobbik, e cila e mbështeti masën.

Një ditë më herët, mijëra protestues u mblodhën në Budapest për ta kundërshtuar atë.

Ligji u ndalon fëmijëve dhe të rinjve librat, filmat dhe përmbajtjet tjera, që flasin për seksualitet tjetër, përveç heteroseksualitetit.

Ligji zbatohet edhe për reklamat, në të cilat homoseksualiteti ose personat transseksualë paraqiten si normalë.

Nuk është ende e qartë se çfarë dënimesh mund të shqiptohen për ata që ndëshkohen për shkelje të ligjit të ri.

Qeveria e kryeministrit Viktor Orban tha se legjislacioni është i nevojshëm për të mbrojtur “të drejtën e fëmijëve për identitetin e tyre gjinor, të siguruar gjatë lindjes”.

Shoqatat e komunitetit LGBT dhe mbrojtësit e të drejtave të njeriut thanë se ligji “do t’i shkelë të drejtat e të rinjve homoseksualë dhe transseksualë”.

Kushtetuta e Hungarisë thotë se martesa është për çiftet heteroseksuale.

Related posts

Si pasojë e përmbysjes së një gomone me emigrantë pranë Anglisë, 31 të vdeku

N E

Plagoset një gazetar i Fox News në Ukrainë

D V

Qyteti kinez Shangaj do të lehtësojë masat kufizuese pavarësisht numrit në rritje të rasteve të Kovid-19

I.A

This website uses cookies to improve your experience. We'll assume you're ok with this, but you can opt-out if you wish. Accept Read More