Agjencia Zhurnal.mk.

Hungaria kritikohet për ligjin kundër migrantëve

Gjykata Evropiane e Drejtësisë, ka thënë se Hungaria ka shkelur rregullat e Bashkimit Evropian kur e ka bërë vepër penale ndihmën e individëve apo organizatave, për migrantët apo refugjatët që aplikojnë për azil.

 

Ky vendim i Gjykatës është i fundit kundër masave të Qeverisë së krahut të djathtë të kryeministrit, Viktor Orban, të cilat, sipas autoriteteve qeveritare, mbrojnë bllokun evropian kundër imigrimit ilegal.

Qeveria e Hungarisë ka prezantuar më 2018 projektligjin që e bën vepër penale ndihmën për azil.

Më 2015, autoritetet hungareze kanë ndërtuar ndalesë kufitare me Serbinë dhe Kroacinë dhe po atë vit rreth një milion persona janë nisur drejt BE-së, kryesisht pas ikjes nga konflikti në Siri.

Orban, i cili ka shënjestruar punën e filantropit amerikano-hungarez, George Soros, ka akuzuar Sorosin për inkurajim të migrantëve.

Gjykata Evropiane e Drejtësisë ka thënë se projektligji i vitit 2018, i njohur si ligji “Stop Sorosit”, ka shkelur “ligjet e BE-së”.

Orban, kundërshtar i zëshëm i imigrimit, ka akuzuar vazhdimisht Sorosin se ka ndërhyrë në politikën hungareze dhe udhëheqje të opozitës liberale.

Agjencia ndërkombëtare për të drejta të njeriut, Amnesty International, e ka mirëpritur vendimin, duke thënë se ai “dërgon mesazh të qartë se fushata e frikësimit e Qeverisë hungareze, duke synuar ata që mbrojnë të drejtat e refugjatëve dhe azilkërkuesve, nuk mund dhe nuk do të tolerohet.”

Related posts

Pheniani paralajmëron rreth një incidenti të rëndë lidhur me koronavirusin

Redaksia

Regjistrohen 7.333 raste të tjera, nga nesër hyjnë në fuqi masat e reja në Kroaci

D V

Katër fëmijë migrantë mbyten në brigjet e Greqisë

D V

This website uses cookies to improve your experience. We'll assume you're ok with this, but you can opt-out if you wish. Accept Read More