Agjencia Zhurnal.mk.

Hoxhaj: E kam lexuar propozimin franko-gjerman që nga paragrafi i parë deri tek i fundit

Deputeti i PDK-së, Enver Hoxhaj ka folur për propozimin franko-gjerman, për të cilin thotë se e ka lexuar dokumentin që nga paragrafi i parë e deri tek i fundit.

 

Hoxhaj në emisionin ‘dPt te Fidani’ në T7 tha se ky dokument është një udhërrëfyes për një fazë të re të dialogut, ku do të duhej të negociohej një marrëveshje.

“Unë kam pas shenjat e para dikun në fund të gushtit, që në Kosovë mund të hyhet në një fazë intensive.  Unë mendoj që Kurti e kanë pas këtë dokument para shumë javësh. Por një pjesë e opozitës kanë arritur të informohen nga ndërkombëtarët për këtë propozim. Nuk mendoj që në këtë fazë mund të bisedojmë për atë që do të refuzohet apo pranohet. Dokumenti është vetëm një udhërrëfyes për një fazë të re të dialogut. Mbi këtë dokument do të duhej të negociohej një marrëveshje”, tha ai.

Sipas tij, Kosova duhet ta pranojë këtë propozim.

“Në pikëpamjet time, Kosova duhet t’i thotë Po dokumentet. Aktualisht jemi në një situatë politike, njeriu i cili mund të arrijë marrëveshje me Serbinë është Kurti, qytetarët ia kanë dhënë atij votat…”,

Hoxhaj tregoi se për çka flitet në propozimin franko-gjerman.

“Unë e kam parë dokumentin, nga paragrafi i parë deri tek i fundit. E para që aty flitet përnjëmend për barazi mes shteteve sovrane, dhe i referohet kartës së OKB-së. Në një proces të negocimit Kosova dhe Serbia janë shtete të barabarta dhe sovrane, që propozon, edhe marrëveshja finale dhe njohja e ndërsjelltë, mund të jetë cak final i këtij dokumenti”, tha ai.

Related posts

Hovenier, Krasniqit: Takimi i 2010-ës në Washington me Thaçin e Biden ishte i paharrueshëm

D V

Kurti: Kosova synon të aplikojë për anëtarësim në BE në vitin e ardhshëm

Z.H

Hisen Berisha pritet të zëvendësojë Uran Ismailin në Kuvend

D V

This website uses cookies to improve your experience. We'll assume you're ok with this, but you can opt-out if you wish. Accept Read More