Agjencia Zhurnal.mk.

Hoxha: Paga minimale prej 18,000 denarëve ka për qëllim zgjerimin e të drejtave të punëtorëve

Shkup, 22 dhjetor – Angazhimet e Qeverisë së Republikës së Maqedonisë së Veriut janë që paga minimale të jetë 18.000 denarë, e cila ka për qëllim ngritjen dhe zgjerimin e të drejtave të punëtorëve, deklaroi sot zëdhënësi i Qeverisë, Muhamed Hoxha në një konferencë për shtyp, duke u përgjigjur në pyetjen e gazetarëbve për qëndrimin e Lidhjes Odave Ekonomike se masa është populiste dhe se do të ndikojë në destabilizimin e tregut të punës.

 

“Ky vendim duhet të ndodhë në të ardhmen dhe ka për qëllim rritjen e të drejtave të punëtorëve”, tha Hoxha.

Lidhja e sindikatave të Maqedonisë të hënën i ka dorëzuar Kuvendit dhe Ministrisë së Punës dhe Politikës Sociale propozim për miratimin e ligjit që paga minimale të jetë 18.000 denarë. LOE kërkon që shuma e pagës minimale të mos jetë më e ulët se 60 për qind e neto pagës mesatare mujore në tre muajt e fundit, si dhe rritje spirale të të gjitha pagave të tjera në vend.

Kërkesa të këtilla sindikata i kërkon prej kohësh, ndërsa si argumente për rritjen e pagës minimale tregon rritjen e shpenzimeve të jetesës dhe njoftimet për rritje të çmimit të rrymës pas Vitit të Ri.

Me kërkesë të LSM-së po bëhet një analizë për ndikimin e pagës minimale në ekonomi, rezultatet fillestare të së cilës, sipas tyre, tregojnë se rritja e pagës minimale nuk ka efekt negativ, por përkundrazi efekt pozitiv në produktivitetin e punëtorëve.

Nga i Lidhja e Odave Ekonomike porositën sot se rritja e pagës minimale si rezultat i populizmit poliitk, e jo të mekanizmave funksional të tregut, të rritjes së produktivitetit të fuqisë së punës dhe rritjen e aktivitetit ekonomik, do të sjellë deri në uljen e vendeve të punës, rritje të çmimeve të prodhimeve dhe rritje të ekonomisë gri.

Sipas tyre një vendim i këtillë do të sjellë kompanitë në një shpenzim shtesë, veçanërisht në një periudhë të krizës shëndetësore-ekonomike.

“Rritja e pagës minimale do të ndikojë në uljen e motivimit të të punësuarve të cilët deri tani kanë qenë produktivë, sepse një numër i madh i subjekteve afariste nuk kanë kapacitete dhe fuqi graduale t’i rrisin pagat e të punësuarve të tjerë. Kjo masë nuk do të japë rezultat, me produktivitet. Rritje të shpenzimeve mund të kontribuojnë për rritjen e papunësisë, ta vështirësojnë procesin e hapjes së vendeve të reja të punës, si dhe të sjellin deri në rritje të mëtejshme të çmimeve të prodhimeve. Njëherësh, rritja e pagës minimale, gjithashtu do t’i nxisë edhe lëvizjet inflatore në ekonominë e vendit”, deklaroi Aleksandra Andreeva, anëtare e Këshillit Drejtues së LOE-s.

Ata përkujtuan se vetë ligji ka mekanizëm të integruar sipas të cilit paga minimale rritet në mars të çdo viti.

Konkludojnë se problemi me lëvizjet inflatore duhet të zgjidhen duke rritur aktivitetin ekonomik dhe krijimin e kushteve për zhvillim.

Related posts

Tragjedia në Bullgari, BFI në mbledhje urgjente solli këto vendime!

D V

Sot vazhdon gjykimi për rastet “Parcelat në Vodno”

N E

Xhaferi shpreh ngushëllime për vdekjen e ish deputetit Stojan Kovaçevski

D V

This website uses cookies to improve your experience. We'll assume you're ok with this, but you can opt-out if you wish. Accept Read More