Agjencia Zhurnal.mk.

Hoxha: Lista e produkteve me marzhë të kufizuar do të zgjerohet, analizat janë duke u zhvilluar

Shkup, 21 shtator – Ekipi ekonomik i qeverisë është në kontakt të vazhdueshëm me të gjitha palët e interesuara dhe në këtë kuadër, siç është paralajmëruar edhe më parë, do të ketë një listë të zgjeruar të produkteve pas përfundimit të analizave të nevojshme të tregut, tha sot zëdhënësi i qeverisë Muhamed Hoxha, në përgjigjen e pyetjes së një gazetari se kur do të zgjerohet lista e produkteve me marzh të kufizuar.

 

Qeveria ka marrë dje vendimin për të vazhduar kohëzgjatjen e masës për kufizimin e marzhës së produkteve ushqimore bazë në tregtinë me pakicë dhe shumicë për tre muajt e ardhshëm, pra deri në fund të vitit. Me këtë është vazhduar vlefshmëria e vendimit aktual për atë qëllim, vlefshmëria e të cilit është deri në fund të këtij muaji.

Vendimi, siç ka përkujtuar Hoxha, është marrë për shkak të nevojës për të kufizuar rritjen e çmimeve me pakicë të produkteve ushqimore bazë, si dhe për shkak se gjendja e tregut tregon se çmimet nuk janë stabilizuar. Në këtë mënyrë, rritja eventuale e çmimeve në tregtinë me shumicë dhe pakicë do të shkaktohet nga rritja e çmimeve të importit dhe bursës, si dhe rritja e kostove të prodhimit.

Me vendim të qeverisë, marzhi tregtar i shoqërive tregtare dhe individëve pjesëmarrës në zinxhirin tregtar të bukës së bardhë, të prerë në copa ose të plota, sheqer të bardhë dhe vaj luledielli ushqimor, është vendosur deri në 5 për qind në tregtinë me shumicë dhe pakicë. Ndërkaq, shuma e marzhit tregtar të shoqërive tregtare dhe individëve tregtarë pjesëmarrës në zinxhirin tregtar të miellit të grurit – tip 400 dhe tip 500, makarona dhe shpageta nga gruri i fortë, orizi i bardhë maqedonas dhe qumështi i përhershëm i lopës me përmbajtje yndyre prej 2.8 për qind, 3.2 për qind dhe 3.5 për qind yndyrë dhe vezë është deri në 10 për qind në tregtinë me shumicë dhe pakicë.

Related posts

Nikollovski: Ushqim do të ketë, qytetarët t’u besojnë institucioneve

Z.H

40 pjesëtarë të ARM, bëhen pronarë të banesave ku kanë jetuar me dekada

Xh M

Taravari: ASH po vazhdon me ekspansionin në elektoratin shqiptar

D V

This website uses cookies to improve your experience. We'll assume you're ok with this, but you can opt-out if you wish. Accept Read More