Agjencia Zhurnal.mk.

Hoti: Serbia është kthyer si partner kryesor tregtar i Kosovës

Deputeti i LDK-së, Avdullah Hoti ka thënë se rritja e importit në Kosovë e ka kthyer Serbinë si partner kryesor tregtar të Kosovës në rajon.

Hoti theksoi se gjatë periudhës janar-tetor 2022 krahasuar me periudhën e njëjtë të vitit 2021 janë importuar 850 milionë euro më shumë mallra nga jashtë për shkak se eksportet për këtë periudhë janë rritur vetëm me 154 milion euro, teksa shtoi se deficiti tregtar është thelluar.

Sipas tij, thellimi i deficitit tregtar e vë në dyshim rritjen ekonomike të prodhimit vendor dhe të punësimit në Kosovë.

“Gjatë periudhës janar-tetor 2022, krahasuar me periudhën e njëjtë të vitit 2021, janë importuar 850 milionë euro më shumë mallra nga jashtë. Për shkak se eksportet për këtë periudhë janë rritur vetëm me 154 milionë euro, deficiti tregtar është thelluar dhe ka arritur në -3.9 miliardë euro. Thellimi i deficitit tregtar e vë në dyshim rritjen ekonomike, të prodhimit vendor dhe të punësimit në Kosovë, siç po propagandohet nëpër konferenca ndërkombëtare”, ka shkruar Hoti

Ai tha tregtia e lirë ka ekzistuar edhe në vitet kur këta që sot qeverisin i rrotullonin kamionët me mallra nga Serbia, duke aluduar në Vetëvendosje.

“Nëse e analizojmë tregtinë me vendet e Ballkanit Perëndimor, shohim se importet me të gjitha këto vende janë ulur pa përjashtim, përveç me Serbinë. Dikush mund të thotë se tregtia është e lirë dhe ajo i përcakton importet dhe eksportet. Dakord jam me këtë. Por tregtia e lirë ka ekzistuar edhe në vitet kur këta që sot qeverisin i rrotullonin kamionët me mallra nga Serbia”, ka shkruar Hoti.

Related posts

Çmimet e ditës: Nafta 1.74, benzina 1.63 cent

Xh M

Mullisët kërkojnë heqjen e ndalesës së eksportit të miellit

Xh M

Edhe dy gazetare nga Ukraina mbërrijnë në Kosovë

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More