Para mediave u paraqitën kryetrajneri, Ardian Nuhiu dhe sulmuesi, Betim Haxhimusa, shkruan Gazeta Olle.
Për Haxhimusën, ndeshja e xhiros së 15-të është ndeshja e krenarisë, për të cilën synohet vetëm fitorja.
“Është gjithmonë nder dhe kënaqësi ta përjetosh këtë derbi si lojtar dhe më gëzon fakti që bashkëlojtarët janë në formë të mirë. Objektivi ynë është vetëm fitorja nesër, ta bëjmë maksimumin në të gjitha detyrat që na jep trajneri. Motivi në derbi është gjithmonë më i madh, janë tifozët dhe luftohet për krenarinë e qytetit, prandaj një fitore ia kemi borxh edhe tifozëve tanë”Intelektualët”, të cilët shpresoj t’i gëzojmë nesër”, ka thënë Haxhimusa.
Derbi lokal Gjilani-Drita zhvillohet nesër, e mërkure, ora 13:00 në stadiumin e qytetit në Gjilan.
/Gazeta Olle/