Agjencia Zhurnal.mk.

Hamburgu ngre alarmin pas shpërthimit të zjarrit

Policia ka paralajmëruar qytetarët e Hamburgut, në Gjermani, që të mbyllin dritaret pas shpërthimit të një zjarri të madh që përfshiu disa depo, dhe bëri që tymi i zi i mbushur me kimikate të përhapej në qytet.

Agjencia e lajmeve gjermane, Dpa, tha se zjarri shpërtheu rreth orës 04:30 në Hamburg, në qarkun Rotenburgsort, që gjendet në qytetin e dytë më të madh gjerman. Më pas tymi u përhap drejt qendrës së qytetit, duke shkaktuar ndërprerjen e qarkullimit të trenave në distanca të gjata mes Hamburgut dhe Berlinit, si dhe qyteteve të tjera.

Po ashtu, përmes një aplikacioni në telefon është lëshuar një alarm duke këshilluar qytetarët e Hamburgut që të mbyllin dritaret, të fikin aparatet për ventilimin e ajrit dhe të shmangin zonën ku ka shpërthyer zjarri.Deri më tani nuk është raportuar për të lënduar nga shpërthimi i zjarrit.

Transmetuesi publik, NDR tha se në depot ku shpërtheu zjarri ka pasur kontejnerë me sulfur hidrogjeni, një substancë toksike që mban erë të keqe. Kjo ka detyruar zjarrfikësit dhe policët që kanë dalë në vend të ngjarjes, të vendosin maska të frymëmarrjes.

Related posts

Një foshnje në mesin e të therurve në Sidnej

Xh M

Irani kërcënoi me sulm, Netanyahu mbledh zyrtarët e lartë

Xh M

Breshëri raketash lëshohen nga Libani jugor drejt Izraelit verior

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy