Agjencia Zhurnal.mk.

Grubi priti në takim ministrin kazak, Kuantyrov: Vazhdon bashkëpunimi mes dy vendeve në gjitha sferat

Shkup, 3 Nëntor – Zëvendëskryetari i parë i Qeverisë dhe ministër për Sistem Politik dhe Marrëdhënie Ndërmjet Bashkësive, z. Artan Grubi sot ka pritur në takim z. Alibek Kuantyrov, ministër për Ekonomi nacionale i Republikës së Kazakistanit.

 

Raportet mes dy vendeve, bashkëpunimi në sferën e ekonomisë dhe energjetikës si dhe sfidat me të cilat përballet kontinenti i Europës, ishin pjesë e bisedës në takimin mes Grubit dhe Kuantyrov.

Republika e Maqedonisë së Veriut dhe Republika e Kazakistanit tashmë kanë konfirmuar interesin për zhvillimin e dialogut politik, ndërtimin e bashkëpunimit tregtar, ekonomiko-energjetik, si dhe kulturor në frymën e mirëkuptimit të ndërsjellë, është theksuar në këtë takim.

Këto ditë në Shkup po zhvillohet edhe takimi i parë i Komisionit të përbashkët Ndërqeveritar për Tregti dhe Bashkëpunim Ekonomik, takim ky që do të kontribuojë në rritjen e zgjerimit dhe diversitetin e strukturës së qarkullimit tregtar mes dy vendeve.

Ministri Kuantyrov theksoi se Kazakistani mbështet prioritetet e vendit tonë për kryesimin e OSBE në vitin 2023, duke vënë në dukje përparimin e rëndësishëm në rrugën e integrimit drejt BE dhe zbatim të suksesshëm të reformave si dhe procesit të skriningut.

Të dy vendet do të vazhdojnë të risin bashkëpunimin në të gjitha sferat si dhe qasjen e përbashkët për çështje të caktuara ndërkombëtare në përputhje me prioritetet dhe angazhimet e secilës palë për mbështetje të iniciativave në kuadër të organizatave ndërkombëtare.

Grubi në anën tjetër mirëpriti vendimin e Republikës së Kazakistanit për hapjen e ambasadës në Republikën e Maqedonisë së Veriut në vitin 2023, që do t’i japë një shtysë shtesë marrëdhënieve mes dy vendeve.

Related posts

Durmishi: Tetovarët mirëpresin listën e Lëvizjes BESA, vota për numrin 8, votë për zhvillimin e Tetovës

Xh M

Maqedoni: Bie besimi i qytetarëve për Bashkimin Evropian

D V

Mickoski: Ajo që kërkohet nga Bullgaria ndaj Maqedonisë është e papërshtatshme

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More