Agjencia Zhurnal.mk.

Gola e asistime, paraqitje e mirë e futbollistëve shqiptarë

Legjionarët kuqezi kanë dhuruar të tjera paraqitje pozitive edhe përgjatë kësaj fundjave. Futbollistët shqiptarë që aktivizohen në klubet evropiane kanë marrë minutat e tyre, duke realizuar gola e asiste, si edhe duke marrë edhe vlerësime me nota të larta nga uebsajti i specializuar për statistika “Sofascore”.

Ernest Muçi vijon të jetë protagonist me skuadrën e Legias në kampionatin polak të futbollit, teksa të shtunën realizoi edhe golin e tij të pestë personal. Sulmuesi tjetër i ekipit kombëtar, Taulant Seferi gjeti sërish rrugën e rrjetës në kampionatin ukrainas. Ai realizoi nëpërmjet një penalltie, duke mposhtur me lëvizjen e tij portierin kundërshtar. Ky është goli i 12-të për Seferin përgjatë këtij sezoni futbollistik në kampionatin ukrainas.

Mbrojtësi kuqezi, Erjon Hoxhallari gjeti golin e parë në kampionatin rumun, ndërsa gol ka shënuar edhe Arbnor Mucolli në kampionatin danez. Për Mucollin ky është goli i gjashtë sezonal. Edhe sulmuesi shqiptar i ekipit të Shpresave, Armando Dobra ishte protagonist absolut në Angli me skuadrën e Çesterfildit, duke realizuar një gol mjaft të bukur në minutat shtesë.

Sakaq, Myrto Uzuni ishte vendimtar në ndeshjen që Granada zhvilloi kundër Lugos në ligën e dytë spanjolle. Sulmuesi shqiptar rrëmbeu bukur një top në krah dhe me një pasim drejt zonës gjeti Puertas, me këtë të fundit që nuk gaboi.

Në derbin shqiptar ‘Asllani – Bajrami’, dy kuqezinjtë zhvilluan një paraqitje shumë të mirë. Minuta pati edhe për futbollistët e tjerë shqiptarë në skuadrat respektive në kampionatet e rëndësishme në Europë.

Related posts

Xavi përgjigjet rreth komentit racist ndaj Lamine Yamal

D V

Afrim GashiLegjenda e Liverpoolit thuajse u shkatërrua nga kokaina, historia e trishtë e Danny MurphyAfrim Gashi

D V

Xavi i gatshëm të qëndrojë te Barcelona, por klubi duhet të pajtohet me dy kërkesat e tij

D V

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy