Agjencia Zhurnal.mk.

Gjykata e Posaçme në Shqipëri mbyll çështjen ndaj Adriatik Llallës pas kërkesës së SPAK-ut

Gjykata e Posaçme në Shqipëri ka pranuar kërkesën e Prokurorisë së Posaçme kundër Korrupsionit dhe Krimit të Organizuar (SPAK) për pushimin e çështjes ndaj ish kryeprokurorit Adriatik Llallës për fshehje pasurie.

 

Sipas Euronews Albania, ish-kryeprokurori ka qenë nën hetim për fshehje të ardhurash, por duke qenë se ai është dënuar njëherë për të njëjtën çështje, SPAK kërkoi pushim të këtij hetimi.

Disa muaj më parë Apeli i Posaçëm e dënoi Llallën me 2 vite burg për tre vepra penale, përfshirë fshehjen e pasurisë. Gjithashtu, atij ju sekuestruan edhe 11 mijë m2 tokë arë dhe 1 apartament.

Llalla është i pari ish-zyrtar i lartë i drejtësisë që dënohet me burg. Në vitin 2018, Llalla u përfshi në listën e personave “non grata” nga Shtetet e Bashkuara të Amerikës. Llallës dhe familjarëve të tij iu ndalua udhëtimi për në SHBA.

Sipas dosjes hetimore të SPAK, ish-kryeprokurori dyshohet të mos ketë deklaruar pasuri në tre raste.

Më konkretisht ai ka fshehur një shumë prej 7,400 dollarë të shpenzuara në SHBA, për lindjen e djalit të tij. Episodi tjetër është një shumë për ndërtimin e një banese, ndërsa episodi i tretë ka të bëjë me disa shpenzime të kryera në Gjermani, për shkollimin e vajzës.

Në fillim të dhjetorit Adriatik Llalla u arrestua në Itali për llogari të drejtësisë shqiptare. 

Related posts

Kritikat e Ramës japin efekt: Shkarkohen 30 punonjës të Ujësjellësit të Vlorës

N E

Shpërthim i fortë në Sarandë, i vendoset tritol një hoteli

Xh M

I vranë të birin për një kondicioner, babai i jep fund jetës me fotoksinë

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More