Agjencia Zhurnal.mk.

Gjithçka që ndodhi mbrëmë në Gostivar, ku mbeti i vrarë një 28 vjeçar

Gostivar, 18 Shtator – Mbrëmë në Gostivar, ashtu siç raportoi Gostivari Sot, rreth orës 19 e 30 u vra me armë zjarri në oborrin e shtëpisë 28 vjeçari Gent Asani.

 

Rreth orës 19 e 40 i ndjeri ishte hospitalizuar në Spitalin e Gostivarit. Atje ishte dërguar nga familjarët e tij.

Pas asistencës mjekësore, u raportua që i ndjeri nuk ka mundur t’u mbijeton plagëve.

“Atij i është dhënë ndihma mjekësore, por i njëjti i’u nënshtrua plagëve të marra. Po merren masa për zbardhjen e rastit”, njoftuan nga Policia e Gostivarit.

Kryersi dhe motivi i vrasjes ende nuk dihen. Polocia ka nisur hetimet, kurse me urdhër të Prokurorit Publik trupi i pajetë u dha për autopsi.

Sipas dëshimitarëve okuluar, i ndjeri ka qenë duke u kthyer nga qyteti në shtëpi. Dhjetë metra nga porta e shtëpisë është sulmuar me armë zjarri.

Nga hetimet e Policisë në vendngjarje, dëshimtarët i thanë Gostivari Sot, që Policia ka gjetur një pistoletë që mendohet se është kryer vrasja. Pistoleta është gjetur në oborrin e shtëpisë ku jetonte viktima dhe ku u ekzekutua për vrasje.

Disa minuta pas ngjarjes, u identifiku viktima që u qëllua me plumb në kokë. Është 28 vjeçari Gent Asani nga Gostivari që ngeli i vrarë në oborrin e shtëpisë së tij familjare. I ndjeri ishte një nga dy djemt e familjes Asani.

Hollësi tjetër rreth gjetjes së Policisë në vendngjarje, jo zyrtarisht, përmendet pistoleta e njollosur me gjakë. Nuk dihet nëse gjaku i takon viktimës apo dorasit. Gjithëçka do të zbardhet nga hetuesia.

Dëshmitari i rastit që është familjar i viktimës, ka rrëfyer për Gostivari Sot atë që pa me sy në momentet e vrasjes së 28 vjeçarit, Gent Asani.

Dëshimtari tregon që viktima kishte qenë duke u kthyer në shtëpi. Ka kontaktuar pak çaste para aktit makabër me familjarët dhe ka shkuar në shtëpi për të darkuar. Gjersa ka qenë duke hyrë në oborrin e shtëpisë, dorasi e ka sulmuar me armë zjarri.

“Isha në shtëpi dhe papritur dëgjuam zëra nga shtëpia e viktimës. Dola në ballkon dhe pashë nënën e tij duke qarë pranë viktimës. Viktima ishte i shtrirë për toke. Vrapuam dhe bashkë me disa persona të tjerë shpejtuam ta dërgojmë në Spital. Pasi e dorëzuam tek njësia e urgjencës, pak minuta më vonë na njoftuan që viktima nuk ka shenja jete”, rrëfen dëshmitari i rastit.

Familjarët por edhe miqt e tij, thonë që i ndjeri ishte njeri i qetë, i dashur dhe i afërt me njerëz. Shprehin habi se si arriti të vritet një djal që nuk ishte armiqësi me askend.

Policia po kryen hetimet dhe punohet në zbardhjen e indentitetit të autorit të vrasjes, i cili, sipas rrethanave që u ekzekutua viktima, duket që ka qenë një njohës i mirë i këtyre ngjarjeve.

Related posts

Vetoja e Bullgarisë, PS kundër Metës: Tirana nuk duhet të shkëputet nga Shkupi

D V

Bekteshi: Ndërlidhja ndërkombëtare dhe diversifikimi në furnizimin me gaz janë prioriteti ynë

Z.H

Aliu: A i kujtohet Grubit përqafimi me djalin e Mijallkovit!?

D V

This website uses cookies to improve your experience. We'll assume you're ok with this, but you can opt-out if you wish. Accept Read More