Agjencia Zhurnal.mk.

Kompania gjermane “Sixt” do të porosisë 100.000 makina elektrike nga Kina

Kompania gjermane e makinave me qira dhe ofruesi i shërbimeve të transportit rrugor “Sixt” planifikon të porosisë 100.000 automjete elektrike nga kompania kineze “BYD” gjatë gjashtë viteve të ardhshme, njoftoi kompania, citon “Xinhua”. “Sixt” tashmë ka porositur disa mijëra automjete elektrike nga “BYD”. Kompania kineze bëri të ditur se automjetet e para do të jenë të disponueshme për klientët në Evropë, duke filluar me Gjermaninë, Francën, Holandën dhe Mbretërinë e Bashkuar, në tremujorin e katërt të vitit.

 

“Marrëveshja me “BYD” është një moment historik i rëndësishëm për të përmbushur premtimin tonë për të nxjerrë sa më shumë makina elektrike në rrugë”,- tha Vinzenz Pflanz, shefi i biznesit, përgjegjës për shitjet dhe blerjen e automjeteve në “Sixt SE”.

Me këtë porosi, sipas kompanisë, “Sixt” do të jetë kompania e parë e makinave me qira në Evropë që ofron automjetet e “BYD”. Modeli i parë “BYD” që do të shpërndahet do të jetë SUV plotësisht elektrik (automjet sportiv) BYD Atto 3.

“Bashkëpunimet janë një pjesë thelbësore e strategjisë së biznesit të “BYD”. Vizioni i përbashkët na lejon të ndërtojmë së bashku ëndrrat tona të gjelbra, duke nisur fillimisht nga Evropa”,- deklaroi Michael Shu, menaxher i përgjithshëm dhe drejtor menaxhues i “BYD Europe” dhe i Divizionit të Bashkëpunimit Ndërkombëtar.

“Sixt” synon t’i ketë elektrike 70-90% të makinave të flotës së saj në Evropë deri në vitin 2030, duke mbuluar një gamë të gjerë prodhuesish dhe modelesh.

Related posts

Erdogan i kërkon Putinit të shpallë armëpushimin në Ukrainë

D V

“Hiq viq”, nisma kundër asimilimit të shqiptarëve në Mal të Zi

D V

Afro një vit nën qeverisjen e talebanëve, thellohet varfëria në Afganistan! Qytetarët qëndrojnë në rradhë për të marrë ushqim

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More