Agjencia Zhurnal.mk.

Gjendja epidemiologjike në Kumanovë është stabile, është mbyllur spitali modular

Kumanovë, 3 janar – Gjendja epidemiologjike në Kumanovë është stabile në raport me të sëmurët nga Kovid-19, informuan sot kompetentët nga spitali. Spitali modular para Vitit të Ri është mbyllur, ndërsa në repartin infektiv janë vetëm 11 të shtruar pozitivë me Kovid-19, ndërsa ambulanta ditore ka 30 deri në 40 ekzaminime, por jo vetëm për Kovid pozitiv, por edhe për infeksione të tjera, karakteristike për muajt e dimrit.

 

Ka një rritje të lehtë të pacientëve nga patologji të tjera në departamentin e spitalit dhe në pediatri. Aktualisht në Kumanovë është rritur numri i qytetarëve, sidomos i kumanovarëve që janë kthyer nga vendet e Evropës Perëndimore për pushime.

Drejtoresha e spitalit, Snezhana Zaharieva, deklaroi sot se ka rritje të lehtë të vizitave nëpër repart, por asgjë drastike. Reparti intern dhe ai i pediatrisë kanë një ngarkesë pune të shtuar, e cila është lehtësisht në rritje.

Mjekët dëshirojnë që situata stabile epidemiologjike me pacientët me Kovid të vazhdojë edhe në periudhën e ardhshme, e cila tani për tani sipas shifrave është stabile. Në repartin infektiv përveç njëmbëdhjetë pacientëve pozitivë me kovid, janë edhe tre pacientë me hepatit.

Related posts

Mot me diell me temperatura të ulëta të mëngjesit

Z H

Rekomandim për kanalet sportive të vendosin komentim në gjuhën shqipe dhe maqedonase

D V

UT shpall rezultatet përfundimtare për studentët e ardhshëm të trembëdhjetë fakulteteve

D V

This website uses cookies to improve your experience. We'll assume you're ok with this, but you can opt-out if you wish. Accept Read More