Agjencia Zhurnal.mk.

Gërvalla takohet me ambasadorin e ri të Italisë në Kosovë – flasin për mundësitë e bashkëpunimit mes dy vendeve

Ministrja e Punëve të Jashtme dhe e Diasporës, Donika Gërvalla, ka pritur sot në takim njoftues ambasadorin e ri të Italisë në Kosovë, Antonello De Riu.

 

Në njoftimin e bërë për media thuhet se “duke i dëshiruar mirëseardhje në Republikën e Kosovës, ajo ka theksuar bashkëpunimin e shkëlqyer mes Kosovës dhe Italisë dhe ka ftuar ambasadorin e ri për iniciativa të reja të përbashkëta në sektorë të ndryshëm që shkojnë në interes të të dy vendeve”.

“Së bashku kanë përmendur mundësi të reja të bashkëpunimit në fushën e ekonomisë dhe të arsimit. Kanë folur për shkëmbim të studentëve, programe për të rinj si dhe zhvillim të aktivitete kulturore. Bashkëbiseduesit janë fokusuar edhe në zhvillimet aktuale politike në vend dhe prioritetet e politikës së jashtme të Kosovës. Po ashtu kanë biseduar edhe për ecurinë e bisedimeve mes Kosovës dhe Serbisë në Bruksel”, thuhet në njoftim.

Më tej, në njoftim thuhet se “Gërvalla e ka falënderuar ambasadorin për kontributin e tij në monitorim të zgjedhjeve në kuadër të Misionit të BE-së për Vëzhgimin e Zgjedhjeve Lokale të 17 tetorit”.

“Nga ana e tij ambasadori De Riu, shprehu gatishmëri për intensifikim të bashkëpunimit, dhe ritheksoi qëndrimin mbështetës të Italisë ndaj Kosovës”. 

Related posts

I helmuar bashkë me 5 anëtarë të familjes, Hysni Dabiqaj: Diçka ka ndodhur, ujin e njëjtë e kemi pirë prej katër vitesh

D V

Serbia po përgatit serial për luftën në Kosovë, me Rusinë po tentojnë ndërrimin e narratives për luftërat në Ballkan

D V

Në 24 orët e fundit në Kosovë janë regjistruar 6 raste të reja me Kovid-19

N E

This website uses cookies to improve your experience. We'll assume you're ok with this, but you can opt-out if you wish. Accept Read More