Agjencia Zhurnal.mk.

Garë e ngushtë në Dragash e Junik, a do të ketë përmbysje të rezultatit pas numërimit të votave me kusht dhe diasporës

Qytetarët e 21 komunave dje u janë drejtuar kutive të votimit për herë të dytë, ku tashmë kanë përcaktuar se kush do të udhëheq me komunën e tyre për katër vitet e ardhshme.

 

Nga rezultatet e deritanishme preliminare të publikuara nga KQZ, shihet se në komunën e Dargashit dhe Junikut është një garë e ngushtë.

Rezultati aktual i këtyre dy komunave mund të ndryshoj pas numërimit të votave të diasporës dhe atyre me kusht.

Aktualisht në komunën e Dragashit është duke prirë Shaban Shabani i PDK-së me 5,648 vota apo 50.21% duke lënë pas vetes kandidatin e LDK-së, Bexhet Xheladini me 5,601 vota apo 49.79%. Diferenca mes tyre është vetëm 47 vota.

Kurse në komunën e Junikut, sipas rezultateve preliminare është duke prirë, Ruzhdi Shehu i LDK-së me 1,199 vota apo 50.61%, kurse kandidati i AAK-së, Agron Kuçi ka marrë 1,170 vota apo 49.39%. Diferenca e votave në mes tyre është vetëm 29.

Pjesëmarrja e qytetarëve në votime në raundin e dytë të zgjedhjeve në 21 komunat ishte 37,85% nga 1 milion e 260 mijë e 571 qytetarë sa kishin të drejtë vote.

Related posts

Vllasi: Në dy takimet e para Kurti dhe Vuçiq ia matën pulsin njëri-tjetrit

D V

Në Kosovë me dy doza janë vaksinuar 41% e popullatës

N E

Ministrja Nagavci dhe zv.ministrja Gexha nisen për ta vizituar në Spitalin e Pejës të plagosurin e sulmit në Gllogjan

D V

This website uses cookies to improve your experience. We'll assume you're ok with this, but you can opt-out if you wish. Accept Read More