Agjencia Zhurnal.mk.

Gara për titull në Serie A: Çfarë ndodh nëse Milani dhe Interi përfundojnë sezonin me pikë të barabarta

Nëse Milani dhe Interi përfundojnë sezonin me pikë të barabarta, kuqezinjtë do të kurorëzohen kampionë të Serie A pasi kanë një rekord më të mirë në ndeshjet ballë për ballë kundër rivalëve të tyre të qytetit këtë sezon.

Vetëm dy pikë ndajnë Milanin dhe Interin me katër ndeshje të mbetura deri në përfundimin e sezonit 2021/22.

Nerazzurrët humbën një shans të artë për t’u rikthyer në krye të tabelës ditën e djeshme duke humbur ndeshjen ndaj Bolognas, edhe pse ishin në epërsi.

Djelmoshat e Simone Inzaghit do të përballen me Udinesen (udhëtim), Empoli (në shtëpi), Cagliari (udhëtim) dhe Sampdoria (në shtëpi) në katër ndeshjet e fundit të sezonit në Serie A.

Ata gjithashtu do të takohen me Juventusin në finalen e Kupës së Italisë ndërmjet ndeshjeve kundër Empolit dhe Cagliarit apo më saktë me datë 11 maj.

Ndeshjet e Milanit dhe Interit

Milani, nga ana tjetër, duket se ka një listë paksa më të vështirë ndeshjesh me takimet e mbetura kundër Fiorentinës (në shtëpi), Hellas Verona (udhëtim), Atalanta (në shtëpi) dhe Sassuolo (udhëtim).

Nëse dy skuadrat nga Milano përfundojnë me pikë të barabarta, Rossonerët do të kurorëzohen kampionë të Serie A.

Ata kanë një rekord më të mirë ballë për ballë kundër Interit këtë sezon, pasi kanë barazuar 1-1 në nëntor në ndeshjen e parë të Derby della Madonnina dhe kanë fituar të dytin me rezultat 2-1 në shkurt.

Related posts

Rritje prej 10 cm dhe shtim peshe 7 kg – Barcelona me plan për shmangien e lëndimeve të Lamine Yamal

D V

I thjeshti, i vështiri, ideali dhe i brendshmi – katër opsionet e Barcelonës për trajnerin e ri

D V

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

D V

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy