Agjencia Zhurnal.mk.

Forum i Maqedonisë së Veriut dhe Greqisë: “Çfarë kanë nevojë të rinjtë për bashkëpunim të mirë fqinjësor”

Shkup, 26 nëntor – Në organizim të Lidhjes Rinore – Krushevë prej sot deri të dielën do të mbahet forum me temën “Çfarë kanë nevojë të rinjtë për bashkëpunim të mirë fqinjësor?”, me pjesëmarrje të disa nga 50 përfaqësuesit e bashkësisë akademike, sektorit civil dhe institucionet publike nga Maqedonia e Veriut dhe Greqia.

 

Qëllimi i tubimit, siç paralajmëruan organizatorët, është “zhvillimi i një rrjeti që synon promovimin dhe ndërgjegjësimin për rëndësinë e bashkëpunimit të Maqedonisë së Veriut dhe Greqisë”.

Në hapjen e forumit është paralajmëruar edhe fjalimi i ambasadorëve të Gjermanisë dhe Greqisë në vend, Anke Holshtajn dhe Rusos Kunduros dhe drejtorit të Fondacionit “Fridrih Ebert”, për Maqedoninë e Veriut, Rene Shle.

Pjesëmarrësit do të krijojnë rrjet joformal për bashkëpunim e cila do ta mbështesë dhe përshpejtojë dialogun, pajtimin, tolerancën dhe sinqeritetin për bashkëpunim ndërmjet të rinjve nga të dy vendet.

Forumi është pjesë e fazës së dytë të zbatimit të nismave për themelim të zyrave për bashkëpunim rinor ndërmjet Maqedonisë së Veriut dhe Greqisë të udhëhequr nga Lidhja Rinore në bashkëpunim me organizatat greke, Asociacioni i Rinisë Aktive dhe SEE në Aksion. Nisma është mbështetur nga ambasadat e Gjermanisë dhe SHBA-së, ndërsa gati për dy vjet janë shënuar edhe rezultate konkrete: janë hapur tre info qendrat e para rinore në Lerin, Athinë dhe Vallandovë, ndërsa mbi 1500 të rinj janë përfshirë në programe të ndryshme për këmbim të njohurive dhe përvojave.

“Vlera për përfshirjen rinore në proceset rajonale relative ishte nxitje për zhvillimin e nismës së tillë, si mekanizëm institucional i cili do t’i afrojë të rinjtë nga Maqedonia e Veriut dhe Greqia dhe do t’u mundësojë zhvillim të bashkëpunimit bilateral. E njejta bazohet në transferimin e praktikave të mira nga proceset e pajtimit në vendet perëndimore evropiane, së pari ndërmjet Gjermanisë dhe Francës, gjegjësisht Gjermanisë dhe Polonisë, si dhe përvojat multilaterale të bashkëpunimit rinor nga vendet e Baltikut dhe Zyra rajonale për bashkëpunim rinor në vendet e Ballkanit Perëndimor”, citojnë organizatorët.

Related posts

Shaqiri: Ligji për përdorim të të dhënave nga sektori publik do të dakordohet me direktivat e BE-së

Z H

Shilegov: Periferia nuk është harruar, Buteli është komuna me zhvillimin më të shpejtë gjatë katër viteve të kaluara

D V

Ministri i Shëndetësisë, Filipçe: Jemi të gatshëm t’i pranojmë pacientët nga Sofja

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More