Agjencia Zhurnal.mk.

Florim Zuka: Ka investitor të interesuar për të kontribuar për Gjilanin

Gjilani ka mbetur pa “Zot Shtëpie” që nga 18 qershori i këtij viti kur presidenti Florim Zuka dha dorëheqje të parevokueshme.

Klubi nga Anamorava dhe tifozët “Skifterat” këtë lajm nuk e kanë pritur aspak mirë duke e ditur se Gjilani nën menaxhimin e Zukës ka qenë një ndër skuadrat më cilësore në elitën e futbollit kosovar, e cila për dy vite më radhë ka marrë pjesë edhe në garat evropiane.

Zuka gjithashtu është dalluar edhe për korrektësi maksimale ndaj skuadrës sa i përket financave.

Drejtues të tjerë të klubit dhe tifozët kanë shpresuar në një rikthim eventual të Zukës në klub, por tashmë gjithçka ka marrë fund.

Gjilani tash e disa muaj po përballet edhe me probleme financiare ndërkohë që në asnjë moment nuk janë ndalur zërat se në klub do të vijnë investitorë të rinj.

Biznesmeni Zuka në një prononcim për Shqip.com konfirmon se ka investitorë të interesuar që të kontribuojnë për ekipin “kuqebardhë”.

“Ka investitor të interesuar për të kontribuar për Gjilanin dhe shumë shpejt do të ketë diçka konkrete. Momentalisht nuk mund të them asgjë më shumë. Së shpejti do të njoftohen të gjitha mediat edhe zyrtarisht”, ka deklaruar Florim Zuka të mërkurën.

Gjilani drejtohet nga trajneri shkupjan Zekirija Ramadani. Kjo skuadër pas xhiros së 14-të në Superligën e Kosovës në futboll “stacionohet” në pozitën e tretë me 22 pikë të grumbulluara.

Related posts

A ju propozua Hungaria për tu arratisur si Gruevski? Meta: Kam respekt, e mori në qafë nepotizmi

Xh M

Azir Aliu: Në numra të deputetëve ne jemi barazi! 13 të VLEN, 15 të BDI-së (VIDEO)

Redaksia

Dimitrievski: ZNAM është opsioni i tretë në bllokun politik maqedonas

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky