Shkup, 14 gusht – Fabrika BRAKO në Veles i është përgjigjur thirrjes së konsorciumit Behtel dhe Enka për ndërtimin e një kampi afër Gostivarit për të akomoduar më shumë se një mijë punëtorë që do të ndërtojnë autostradën 10. BRAKO ka dhënë ofertë për furnizimin e 104 objekteve montazhi, sistem modular i parafabrikuar për strehim në grup, hapësira të punës dhe objekte të tjera për nevojat e kampit i cili do të shtrihet në një sipërfaqe prej mbi 300 mijë m2 si dhe për të gjitha elementet e nevojshme: ngrohje, ftohje, pajisje dhe mobilie, sistem alarmi kundër zjarreve, Sistem të IT-së, instalime të brendshme, hidraulikë, kanalizim, instalim dhe pajisje elektrike, sistem të ventilimit etj, si dhe transport të mallrave deri në lokacion.
Nga BRAKO theksojnë se kompanitë e Maqedonisë së Veriut dhe punëtorët duhet ta marrin pjesën më të madhe të punëve gjatë ndërtimit të autostradës 10, siç i ka premtuar Qeveria ekonomisë së Maqedonisë dhe thonë se si kompani vendore do të luftojnë për të filluar punimet. Nga kompania thonë se Maqedonia ka kapacitet për t’iu përgjigjur çdo projekti dhe se kompanitë e vendit nuk duhet të jenë në plan të ditë, pas atyre të huajave.
Para tre viteve, BRAKO ofroi sisteme kontejnerësh të parafabrikuar për objektet shëndetësore gjatë krizës së Kovidit, të ashtuquajtura spitale modulare që shteti i kërkonte urgjentisht, ndërsa më pas ndërtuan edhe hapësira të reja moderne në Shkup që zëvendësuan barakat e vjetra prej druri të ngritura 60 vjet më parë. BRAKO dje njoftoi se është regjistruar nga ana e NATO-s si furnizues potencial dhe se do të përpiqet t’i shesë Aleancës produkte të Maqedonisë.
