Shkup, 18 nëntor – Sot në fshatin Straçincë kanë filluar punimet për rregullimin e kanalizimit fekal me gypa F-200, dhe me më tepër se 170 kyçje nga amvisëritë, informon Zhurnal.
Në vendin e punimeve dolën kryetari i ri i GaziBabës, Boban Stefkovski dhe kryetari i VMRO-DPMNE-së, Hristijan Mickoski.
Premtimet për kanalizimin në Straçincë i kishte dhënë fillimisht para katër viteve kryetari i mëparshëm Boris Georgievski mirëpo premtimet e tij ngelën vetëm premtime. Disa gypa u shfaqën javën e zgjedhjeve në rrethin e parë, mirëpo pasi humbi Gazi Babën Georgievski, ato gypa përsëri u zhdukën.
“Politikani duhet të jetë shërbëtor i popullit, dhe jo të jetë mbi re dhe mbi popullin. Kjo është patriotizmi i përbashkët dhe ajo që VMRO-DPMNE dhe kjo gjeneratë e promovon”, është shprehur Mickoski.//Zhurnal.mk
