Agjencia Zhurnal.mk.

FFK fillon shpërndarjen e katapultave për klubet e Superligës

Presidenti Agim Ademi sot e ka vizituar KF “Drita” në seancën stërvitore, me ç’rast është bërë edhe dorëzimi i pakos së katapultave, projekt ky mjaft i kushtueshëm por të cilin FFK ka nisur ta implementojë me qëllim të përkrahjes së klubeve dhe përfshirjes së tyre në procesin e digjitalizimit.

Ky projekt do t’i ndihmojë trajnerët e klubeve në punën e tyre të përditshme dhe në rritjen e punës profesionale të ekipeve, ngase kjo paisje GPS i vendoset futbollistit nën fanellë dhe më pas nëpërmjet souftuerit përcjellet çdo lëvizje e tij dhe puna që ai bën gjatë stërvitjes apo ndeshjes.

Presidenti Ademi gjatë kësaj vizite, para futbollistëve dhe stafit të KF “Drita”, theksoi rëndësinë që FFK është duke i dhënë përmirësimit të kushteve për zhvillimin e futbollit në vendin tonë. Ai theksoi se FFK është duke punuar në strategjinë afatgjate dhe në kuadër të procesit të digjitalizimit ka vendosur t’i ndihmojë edhe klubet me projektin e katapultave.

“Ky është një projekt mjaft i kushtueshëm, por duke ditur vështirësitë me të cilat ballafaqohen klubet kemi dashur që t’i ndihmojë ato me këtë projekt, që ndihmon pikësëpari futbollistët në përmirësimin e tyre profesional. Po ashtu, këto pajisje ofrojnë shumë mundësi për stafin e trajnerëve për të ndjekur në mënyrë sa më profesionale punën e secilit futbollist dhe njëherësh në aspektin e përgjithshëm ndihmon edhe në rritjen e cilësisë së ligës”, ka thënë presidenti Ademi.

Ndërkaq, në emër të klubit presidentin Ademi e ka falënderuar drejtori Feti Murseli për këtë projekt dhe për ndihmën që FFK po i jep klubeve në të gjitha aspektet.

Ai ka thënë se klub e kanë pasur në agjendë blerjen e këtyre pajisjeve, por kur do të arrinin ta realizonim këtë nuk dihej, ngase janë pajisje mjaft të kushtueshme.

Shpërndarja e katapultave do të vazhdojë edhe në ditët e ardhshme për klubet e tjera të Superligës. Sistemi i tillë GPS përdoret vetëm në vendet më të zhvilluara, teksa Kosova bëhet ndër vendet e para në Ballkan që fillon me përdorimin e këtij sistemi nga të gjitha klubet e elitës.

Related posts

Gjorgjievska: Të krijojmë udhërrëfyes, pas të cilit pa frikë dhe ndjenjë të vlerës më të vogël do të ecin të rinjtë tanë

Xh M

Shekerinska: Mandatari do të vendos për ministrin e ardhshëm të Mbrojtjes, bëhet fjalë për sektor të ndjeshëm

Z.H

KSHPK po shqyrton më shumë lëndë për dyshime për përplasje të interesit dhe korrupsionit

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More