Problemeve të thella financiare te FC Prishtina pritet t’iu vije fundi në fund të këtij muaji.
Demokracia.com mëson se Kuvendi Zgjedhor i shumëkërkuar do të mbahet më 26 qershor.
Siç mëson portali nga burime brenda klubit kryeqytetas, në Kuvendin e 26 qershorit do të bisedohet për zgjidhjen e problemeve si dhe zgjedhja e kryetarit të ri.
Një nga problemet kryesore të klubit më të madh të futbollit kosovar janë borxhet e shumta ndaj futbollistëve.
Aktualisht klubi më i trofeshëm në vend ka borxh mbi 1 milion euro, ndërsa ndodhet pa kryetrajner si dhe disa nga lojtarët që tanimë janë larguar.
Presidenti i klubit, Remzi Ejupi dhe aksionari më i madh, Rrahman Haradini vazhdimisht e kanë hedhur fajin te njëri-tjetri për gjendjen e krijuar në klub, me këtë të fundit që ka kërkuar mbajtjen sa më të shpejt të Kuvendit.
