Agjencia Zhurnal.mk.

Facebook heq një video të presidentit brazilian për vaksinat

Facebook ka hequr një video, në të cilën presidenti i Brazilit, Jair Bolsonaro, ka folur për një lidhje të supozuar midis vaksinave kundër koronavirusit dhe sëmundjes së AIDS-it.

 

Rrjeti social tha se videoja i ka shkelur politikat e tij për vaksinat.

“Politikat tona nuk i lejojnë pretendimet se vaksinat kundër koronavirusit vrasin ose i dëmtojnë seriozisht njerëzit”, tha Facebook në një deklaratë të cituar nga agjencia e lajmeve AP.

Videoja u hoq edhe nga platforma e Facebook-ut, Instagram.

Facebook, megjithatë, nuk iu përgjigj pyetjes se përse kanë kaluar tri ditë përpara se përmbajtja të hiqej.

Videoja thuhet se është postuar më 21 tetor, ndërsa është hequr më 24 tetor.

Në video, Bolsonaro ka thënë se ka raporte që “sugjerojnë se njerëzit që janë plotësisht të vaksinuar kundër koronavirusit zhvillojnë Sindromën e Mungesës së Imunitetit shumë më shpejt sesa pritej”.

Që nga fillimi i pandemisë, në mars të vitit të kaluar, Bolsonaro ka folur vazhdimisht kundër izolimit, maskave dhe vaksinimit.

Kjo nuk është hera e parë që videot e tij hiqen nga platformat digjitale, për shkak të shkeljeve të politikave.

Vitin e kaluar, Twitter dhe Facebook kanë hequr videot, ku Bolsonaro ka pretenduar se numrat e lartë të të infektuarve me koronavirus do ta bëjnë Brazilin imun.

Brazili ka përjetuar një ndër normat më të larta të infektimit dhe vdekshmërisë nga koronavirusi.

Sipas shifrave të Universitetit Johns Hopkins, mbi 21 milionë njerëz janë infektuar atje dhe mbi 605,000 kanë vdekur.

Related posts

Finlandezët e konsiderojnë Rusinë si kërcënim, kërkojnë anëtarësim në NATO

N E

Media ruse Regnum: Aleksandar Vuçiq po paguan korrespondentë dhe aktivistë për të propaganduar karshi Vladimir Putinit

D V

Rezervat e naftës pritet të ulen, çmimi është rritur në 76 dollarë4

D V

This website uses cookies to improve your experience. We'll assume you're ok with this, but you can opt-out if you wish. Accept Read More