Agjencia Zhurnal.mk.

​Estonia ka forcuar kontrollin kufitar për refugjatët nga Ukraina e Rusia

Autoritetet estoneze kanë filluar të kryejnë kontrolle më të detajuara kufitare për qytetarët e Ukrainës dhe Rusisë që shkojnë në Letoni ose Finlandë.

 

Policia kufitare shpjegoi se personeli shtesë u vendos në kufirin me Letoninë dhe Finlandën dhe theksoi se në këtë mënyrë ata duan të kenë një pasqyrë më të mirë për numrin e refugjatëve nga Ukraina dhe Rusia që mbeten në vend dhe numrin e atyre, të cilët vazhdojnë nga Estonia, transmeton portali Shengen Visa Info.

“Ne krahasojmë të dhënat e pasagjerëve të ardhur me varkë që janë shtetas të Ukrainës dhe Rusisë me të dhënat e pikave kufitare tokësore dhe përdorim sistemin automatik të njohjes së targave për të kontrolluar se cilat automjete me targa ukrainase ose ruse kanë hyrë dhe cilat kanë u larguan nga Estonia”, tha policia kufitare e Estonisë.

Më herët, ministri i Jashtëm i Estonisë, Urmas Reinsalu, tha se vendi duhet të rivendosë kontrollin kufitar në kufijtë e brendshëm të Shengenit, për të krijuar një pasqyrë të qartë të numrit të refugjatëve.

“Më shumë se 100,000 qytetarë ukrainas kanë hyrë në territorin e Estonisë dhe është thelbësore që ne të dimë qartë se ku janë këta njerëz”, tha ministri Reinsalu.

Sipas policisë kufitare të Estonisë, kontrollet e forcuara kufitare nisën të zbatohen më 14 nëntor dhe do të qëndrojnë në fuqi deri më 20 nëntor.

Related posts

Medvedev: Perëndimi dëshiron ta shkatërrojë Rusinë

Xh M

​Holanda ndalon jahte të tjera në pronësi ruse

Xh M

Pilotët ukrainas fillojnë fushatën “më blej një aeroplan luftarak”, me dëshirën e madhe që ta mposhtin ushtrinë ruse

D V

This website uses cookies to improve your experience. We'll assume you're ok with this, but you can opt-out if you wish. Accept Read More