“Europa dhe bota duhet të përgatiten për më shumë sulme terroriste”,- kështu u shpreh një specialist belg i terrorizmit teksa foli për aktet e fundit të ndodhura në Belgjik dhe Francë.Claude Moniquet foli për Euronews pas sulmit që ndodhi në Bruksel ku mbetën të vrarë dy persona ndërkohë që autori u ekzekutua nga policia.”Unë mendoj se do të kemi një valë terrorizmi në botë. Mund të jetë në Evropë – është në Evropë,” tha ai.”Sot, është në Francë dhe Belgjikë. Mund të jetë nesër në Shtetet e Bashkuara, ndoshta kudo, por do të ketë një tronditje terroriste që do të pasojë atë që po ndodh në Lindjen e Mesme.”, u shpreh eksperti belg i terrorizmit për median prestigjoze Euronews, citon NOA.ALSulmi në Bruksel ishte sulmi i dytë terrorist në Evropë brenda pak ditësh pas vrasjes së një mësuesi në Francë javën e kaluar nga një xhihadist i dyshuar. Ekspertët kanë paralajmëruar se konflikti midis Izraelit dhe Hamasit mund të nxisë më shumë sulme, diçka që Moniquet gjithashtu beson.Megjithatë, Moniquet shtoi se ka pak rrezik për të pasur sulme terroriste të koordinuara në shkallë të gjerë në Evropë, duke pasur parasysh se nuk ka mbetur kapacitet për këtë. Në vend të kësaj, sulmet nga individë janë më të mundshëm, sipas tij
Eksperti paralajmëron: Europa duhet të përgatitet për më shumë sulme terroriste
