Fantazisti turk i Fenerbahces, Arda Guler tani mund të thuhet se është lojtar i ri i gjigantit evropian, Real Madridit.
Sipas gazetarit të njohur Toni Juanmarti, adoleshent sensacional turk do të jetë lojtari i fundit që do t’i bashkohet Los Blancos, me një marrëveshje të përfunduar zyrtarisht.
Në raport thuhet gjithashtu se Barcelona u përpoq me dëshpërim të bindte Gulerin që t’i bashkohej atyre në vend të Real Madridit, megjithëse përpjekjet e tyre ishin të kota.
Blaugranët ishin favoritët për të nënshkruar me adoleshentin ditët e fundit, përpara se ai të zgjidhte përfundimisht kalimin te Los Blancos të martën mbrëma.
Sipas El Larguero, Guler ka nënshkruar një kontratë gjashtëvjeçare me Real Madridin, duke e mbajtur atë në klub deri në fund të sezonit 2028-29. Ai pritet të fluturojë drejt kryeqytetit spanjoll sot (e enjte) për të finalizuar transferimin.
Guler do t’i bashkohet skuadrës së Real Madridit kur të fillojnë stërvitjet e tyre parasezonale në dy javët e ardhshme, dhe ai do të mbetet me skuadrën e Carlo Ancelottit për sezonin e ardhshëm – ai nuk do të huazohet.
Kosto e transferimit thuhet se është 20 milionë euro, një klauzolë shitje prej 20 për qind e mbajtur nga klubi turk dhe disa bonuse.
Ndryshe, Guler është nënshkrimi i pestë i Real Madridit këtë verë, pas Fran Garcia, Brahim Diaz, Jude Bellingham dhe Joselu Mato.
