Agjencia Zhurnal.mk.

Digjen pasuritë e dy serbëve pasi regjistruan veturat me targa të Kosovës

Ministri i Punëve të Brendshme, Xhelal Sveçla, ka njoftuar se një oficer serb i Policisë së Kosovës është sulmuar të hënën nga strukturat ilegale serbe, të cilat sipas tij, ia kanë djegur veturën me arsyetimin se e kishte regjistruar me targa legale të Kosovës.

 

Ai ka shkruar në Facebook të hënën, se tendencat e presidentit serb, Aleksandar Vuçiq për t’i frikësuar qytetarët serbë që jetojnë në Kosovë, po vazhdojnë.

Njëjtë, sipas tij, të hënën në orët e hershme të mëngjesit, është djegur edhe një depo e një qytetari serb në fshatin Grabovc të Komunës së Zveçanit, pasi e kishte regjistruar veturën e djalit të tij me targa RKS.

“Të dyja rastet janë ftesë e hapur për të luftuar institucionet e Republikës së Kosovës. I bëjmë thirrje Vuçiqit që të ndalojë së mbështeturi strukturat ilegale kriminale me aktet e tyre të dhunshme dhe terroriste ndaj qytetarëve besnikë të Republikës së Kosovës”, ka shkruar ai.

Sveçla ka thënë se të gjitha institucionet janë të angazhuara në zbardhjen e këtyre rasteve.

“Jemi më të vendosur se kurrë që rendi dhe ligji të shtrihet në çdo cep të Republikës së Kosovës. Kurrfarë veprimi kriminal i fallangave të Vuçiqit nuk do të tolerohet dhe do të luftohet me të gjitha mjetet ligjore dhe demokratike”, ka shkruar ai.

Qeveria e Kosovës u ka dhënë afat gjithë atyre që kanë vetura me targa ilegale të lëshuara nga Serbia në emër të qyteteve të Kosovës, t’i ndërrojnë ato deri në fund të tetorit.

Related posts

Vuçiq kërcënon Lajcakun dhe emisarët e Macronit e Sholcit: Kujdes me çka vini

Xh M

18 vjeçarja në Ferizaj dyshohet se është keqtrajtuar fizikisht, ndalohet për 48 orë një person i dyshuar, tjetri në arrati

Redaksia

Osmani dekoron Kosnett me urdhrin “Dr. Ibrahim Rugova”

D V

This website uses cookies to improve your experience. We'll assume you're ok with this, but you can opt-out if you wish. Accept Read More