Agjencia Zhurnal.mk.

Delegacioni qeveritar vendosi lule për nderi të viktimave të luftës antifashiste në memorialet në Kumanovë dhe Prilep

Shkup, 11 tetor –  Delegacioni i qeverisë i kryesuar nga ministri i Punëve të Brendshme Oliver Spasovski i shoqëruar nga zëvendësministri për Sistem Politik dhe Marrëdhënie midis Bashkësive, Ilhan Rahman, në Ditën e Kryengritjes popullore, vendosën lule para Memorialit të eshtrave në Kumanovë kushtuar luftëtarëve të cilët e dhanë jetën në luftën popullore për çlirim.

 

Siç kumtoi shërbimi për shtyp i qeverisë, me këtë aktivitet, si edhe me përmbajtjet e tjera që janë organizuar sot edhe Kumanova si qytet luftëtar u përfshi në shënimin e 11 Tetorit, si një prej datave më të rëndësishme të historisë tonë, si përkujtues se para 80 vitesh populli e solli vendimin e duhur – të qaset në koalicionin antifashist, duke nisur kryengritje si fillim i lëvizjes popullore çlirimtare dhe ta realizojë ëndrrën e gjeneratave të para për krijimin e shtetit të Maqedonisë.

Një delegacion tjetër qeveritar i kryesuar nga zëvendëskryetari i Qeverisë i angazhuar për Çështje Ekonomike, Fatmir Bytyqi, së bashku me ministren e Punës dhe Politikës Sociale, Jagoda Shahpaska dhe ministrin e Transportit dhe Lidhjeve, Bllagoj Boçvarski, vendosi lule të freskëta në memorialet e qytetit hero Prilepi, ku që dje dhe gjatë ditës së stome realizohet program solemn shtetëror me të cilin shënohet festa shtetërore 11 Tetori – Dita e Kryengritjes Popullore dhe e shënon 80 vjetorin e kësaj ngjarje me të cilën nga viti 1941 u shënua fillimi i Luftës popullore çlirimtare dhe lindja e shtetit të Maqedonisë.

Delegacioni qeveritar u përul dhe vendosi lule të freskëta në memorialet e heronjve Metodija Andonov Çento, Kuzman Josifovski Pitu dhe në memorialin “Gruaja luftëtare”, pas çka e vizitoi Alinenë e heronjve popullorë që t’u bëhen nderime viktimave në luftën popullore çlirimtare nga Prilepi, qytet i cili i dha 650 viktima dhe krenohet me 15 heronjtë popullorë.

Kurora lulesh në memorialet e Luftës popullore çlirimtare sot vendosën edhe delegacione të tjera të kreut shtetëror, të organizatave shoqëroro-politike, të Armatës, të trupit diplomatik dhe mysafirë nga jashtë.

Related posts

KRE: Ndodhemi në javën më dinamike të bursës së derivateve të naftës

Z.H

Vendi nuk pret fluks të emigrantëve rusë

Xh M

A është ylli në ballë pasi ka rënë në bunar shkak që Afrimi Gashi është pëlqyer nga Mickovski?

I.A

This website uses cookies to improve your experience. We'll assume you're ok with this, but you can opt-out if you wish. Accept Read More