Agjencia Zhurnal.mk.

Dardanët stërvitin me intensitet, Shala e Vojvoda: Në Athinë udhëtojmë me energji pozitive 

Kombëtarja e Kosovës e ka zhvilluar stërvitjen e fundit në stadiumin “Fadil Vokrri” para nisjes për në Athinë. Stërvitja e sotme ka qenë mjaft intensive, ku të pranishëm ishin të gjithë futbollistët, me përjashtim të portierit Visar Bekaj, i cili pushoi për shkak të një shqetësimi të lehtë në shpinë.

Përkushtimi i futbollistëve ishte maksimal, derisa tashmë është rikthyer edhe energjia pozitive, pas zhgënjimit të përjetuar me humbjen e miqësores ndaj Jordanisë. Përveç ushtrimeve të zakonshme fizike dhe lojës në gjysmëfushë, përzgjedhësi Gliha ka punuar edhe në aspektin tekniko-taktik.

Ndërkohë, Herolind Shala dhe Mërgim Vojvoda pas stërvitjes së sotme kanë thënë se zhgënjimi i humbjes është lënë pas shpine dhe tashmë janë të përqendruar për të dhënë maksimumin për paraqitje sa më të mirë në Athinë dhe për përmbyllje të këtij cikli kualifikues me rezultat pozitiv, gjë e cila do të ndikonte në moralin e ekipit për ndeshjet e edicionit të ri në Ligën e Kombeve, që nisin në mars të vitit të ardhshëm.

Dardanët nisen nesër në mëngjes drejt kryeqytetit grek, ku pasdite do ta zhvillojnë stërvitjen në stadiumin olimpik “Spyros Louis”, në të cilin të dielën do të përballen me Greqinë, në ndeshjen e përmbyllëse të ciklit kualifikues për Botërorin “Katari 2022”.

 

Related posts

Këndellet Drenica, fillon prezantimin e transferimeve të afatit kalimtar të janarit

Redaksia

Kuvendi nuk e konstatoi rendin e ditës së mbledhjes së re të 71-të

Xh M

Sela ofendon Alternativën: Gjesti i tyre ishte pervers

D V

This website uses cookies to improve your experience. We'll assume you're ok with this, but you can opt-out if you wish. Accept Read More