Agjencia Zhurnal.mk.

Çfarë mund të mësojë bota nga vendet ku po rriten rastet me Omicron?

Afrika e Jugut, Mbretëria e Bashkuar dhe Danimarka janë tre vendet kryesore, ku po rriten rastet me variantin Omicron, më pak se një muaj pasi u zbulua për herë të parë.

 

Kryeministri britanik, Boris Johnson po u kërkon qytetarëve të vaksinohen me dozat e treta pas rritjes së numrave të të infektuarve me coronavirus.

Ndërkohë, në Afrikën e Jugut, studiuesit thonë se të dhënat e hershme sugjerojnë se Omicron shkakton simptoma më të buta – por është ende e paqartë se sa rol luan imuniteti nga vaksinimi ose infeksioni i mëparshëm, raporton cnn.

Danimarka po shqyrton kufizime të reja në një përpjekje për të kontrolluar një mori rastesh të reja.

Pra, çfarë mund të mësojnë vendet e tjera nga përvoja e tyre?

Pavarësisht se shumë vende kanë vendosur një sërë kufizimesh udhëtimi, varianti është përhapur me shpejtësi në mbarë globin.

Drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus tha në një konferencë shtypi të martën se 77 vende kanë konfirmuar rastet me Omicron dhe “realiteti është se Omicron është ndoshta në shumicën e vendeve, edhe nëse nuk është zbuluar ende”.

“Omicron po përhapet me një ritëm që nuk e kemi parë me asnjë variant të mëparshëm”, tha Tedros duke shtuar se “Ne jemi të shqetësuar se njerëzit po e konsiderojnë Omicron si të butë. Sigurisht, ne kemi mësuar deri tani se ne e nënvlerësojmë këtë virus në rrezikun tonë”.

Ai shtoi se edhe nëse Omicron shkakton sëmundje më të butë, “numri i madh i rasteve mund të kapërcejë edhe një herë sistemet e papërgatitura shëndetësore”.

Varianti tashmë është zbuluar në 36 shtete të SHBA-së, duke përfshirë Uashington DC dhe Porto Riko.

“Unë imagjinoj se Omicron do të jetë kudo së shpejti”, tha për CNN-in, Michael Head, një studiues i lartë në shëndetin global në Universitetin e Southampton të Anglisë.

“Dhe do të ketë shumë Omicron përreth që shumica e vendeve nuk e kanë zbuluar ende, pjesërisht sepse sistemet e testimit dhe kapacitetet gjenomike mund të jenë të kufizuara”, shtoi ai.

Ndërkohë, fqinji i Kosovës, Mali i Zi gjatë ditës së djeshme ka konfirmuar rastet e para të infektimit të njerëzve me variantin Omicron të COVID-19.

Related posts

Përmbyset autobusi në Turqi, 14 të vdekur dhe 18 të plagosur

Redaksia

Sa herë që Vuçiq është në pozitë të vështirë, presidenti serb kërcënohet – Të gjitha “atentatet për vrasje” që mbetën vetëm spekulime

D V

Kryeministri i Sllovenisë: Nëse BE-ja nuk zgjerohet në Ballkan, zgjerohen tjerët

D V

This website uses cookies to improve your experience. We'll assume you're ok with this, but you can opt-out if you wish. Accept Read More