Agjencia Zhurnal.mk.

Çfarë është Vine, ‘gjiganti i fjetur’ i mediave sociale të cilin Elon Musk mendon të rikthejë – si rivalin kryesor të TikTok?

Njerëzit e një brezi të caktuar do të jenë të emocionuar nga “paralajmërimi” i Elon Musk për të rikthyer rivalin e TikTok, Vine.

 

Sipas mediave të huaja, përcjell Telegrafi, pronari i ri i Twitter, Musk, 51 vjeç, ka thënë se ai mund të dëshirojë të ndryshojë peizazhin e mediave sociale edhe më tej duke rikthyer Vine.

Kështu, të dielën mbrëma, ai pyeti ndjekësit e tij për mendimin e tyre për Vine dhe u përfshi në një bisedë me një YouTuber të shquar.

Në kohën e shkrimit, pothuajse mbi 2 milionë njerëz kishin votuar në sondazhin e Musk në Twitter, me pothuajse 70 për qind të njerëzve që i thanë CEO të Tesla se ai duhet të kthente Vine.

Çfarë tha Musk për Vine?

Tweet-i me tre fjalë i Musk, në të cilin ai bëri një pyetje të thjeshtë po ose jo, “Të kthejmë Vine?” zgjoi interesimin e miliona njerëzve.

Ndërsa YouTuber-i MrBeast, i cili ka më shumë se 100 milionë abonentë, dukej i emocionuar nga propozimi i Musk.

“Nëse do ta bënit këtë dhe do të konkurronit me [TikTok] do të ishte zbavitëse”, u përgjigj MrBeast, emri i vërtetë i të cilit është Jimmy Donaldson.

Kështu, seksioni i komenteve pas këtij postimi në Twitter ishte i mbushur me sugjerime se si mund të konkurrojnë dy faqet e mediave sociale të fokusuara në video.

Çfarë është Vine?

Vine ishte një aplikacion i preferuar në internet në vitet 2010 që u lansua zyrtarisht në janar të vitit 2013, por më pas u ndërpre në formën e tij origjinale në janar të vitit 2017.

Premisa e Vine ishte që përdoruesit mund të ngarkonin video jo më të gjata se gjashtë sekonda në hapësirën e mediave sociale, përcjell Telegrafi.

Afati kohor i detyroi përdoruesit të ishin krijues, me shumë njerëz që përdornin faqen për krijime komike të shkurtra dhe shprehje artistike.

Ashtu si me TikTok, përdoruesit mund të përdorin mjete të redaktimit të videove për t’i bërë videot e tyre origjinale.

Kush e zotëron Vine?

Vine u krijua nga Dom Hofmann, Colin Kroll dhe Rus Yusupov (të cilët gjithashtu bashkë-krijuan HQ Trivia).

Twitter bleu Vine për 30 milionë dollarë në tetor të vitit 2012, tre muaj përpara se të dilte zyrtarisht në internet.

Ndërsa platformat e tjera si YouTube dhe Instagram filluan të prezantojnë softuerin e tyre për krijimin e videove, Twitter njoftoi në tetor 2016 se do të ndërpresë aplikacionin Vine.

Përdoruesit mund të shikonin dhe shkarkonin video, por nuk do të ishin në gjendje të ngarkonin postime të reja.

Për ironi, TikTok ishte lansuar në Kinë si Douyin, vetëm një muaj para kësaj.

Arkivi i Vine ishte i disponueshëm për t’u parë edhe për dy vjet të tjera derisa Twitter e ndërpreu atë në vitin 2019.

Në faqen e internetit shkruan: “I dashur Komunitet i Vine – faleminderit për të gjithë frymëzimin dhe të qeshurat. Tani e kemi vendosur Vine në një gjendje të arkivuar”.

Pas blerjes së tij të madhe të Twitter, Musk tani zotëron Vine, kështu që ai ka mundësinë të rikthejë “gjigantin e fjetur” të mediave sociale.

Related posts

MrBeast u bë YouTuberi me më së shumti abonentë

Lea Muslija

Intel e shtynë ceremoninë për fabrikën në Ohio shkaku i mungesës së fondeve qeverisëse

Lea Muslija

Qualcomm ka shtyrë prodhimin e çipave të ardhshëm premium

D V

This website uses cookies to improve your experience. We'll assume you're ok with this, but you can opt-out if you wish. Accept Read More