Agjencia Zhurnal.mk.

Bytyqi: Shtrenjtimi nuk do të jetë siç po ndjellin frikë disa tek populli, nuk do të ketë restrikcione

Shkup, 25 dhjetor – Nuk do të ketë restrikcione të energjisë elektrike, ndërsa shtrenjtimi nuk do të jetë siç po ndjellin frikë disa tek qytetarët, porosit zëvendëskryeministri për Çështje Ekonomike, Koordinim me Sektorët Ekonomikë dhe Investime, Fatmir Bytyqi në video-intervistën në vigjilje të festave të fundvitit për MIA-n.

 

Nuk dëshiron të futet në parashikimet se sa do të shtrenjtohet energjia elektrike pas 1 janarit, por potencon se si Qeveri kanë bërë gjithçka që është në fuqinë e tyre që të sigurohet shtrenjtimi eventual të mos të jetë siç paralajmërojnë disa.

“E di sigurt një punë që do të ndodhë, ndërsa kjo është se për qytetarët do të sigurojmë energji elektrike mjaftueshëm, jo vetëm në janar, por edhe më tej, që do të thotë se nevojat e energjisë elektrike nuk rrezikohen. Kjo do të thotë se nuk do të ketë restrikcione. Këtë mund ta garantoj. E di se si Qeveri gjithçka ishte në fuqinë tonë e kemi bërë që të sigurohet se shtrenjtimi eventual pas 1 janarit nuk ishte i madh siç njoftojnë disa. Unë garantoj se nuk do të jetë siç dëshirojnë disa të ndjellin frikë tek qytetarët. Do të vazhdojmë të investojmë në burime të rinovueshme të energjisë”, thekson zëvendëskryeministri.

Për kategoritë e cenueshme të qytetarëve do të sigurohen vauçerë për shtesë energjetike dhe do të zgjerohet grupi i targetuar.

“Edhe paraprakisht e kishin këtë shtesë, por ishte e kalkuluar në asistencën sociale. Ky vauçer tani do të zgjerohet me një target grup më të madh dhe do të shkojë drejtpërdrejt si shtesë energjetike që të zbutet goditja eventuale nga rritja e mundshme”, thotë Bytyqi.

Për çmimet e produkteve kryesore ushqimore të cilat janë të ngrira deri më 31 janar, thotë se në mënyrë vigjilente është duke u ndjekur situata dhe nëse është e domosdoshme, do të vihen edhe masa të tjera. Nuk është përfaqësuese e asaj Qeveria të intervenojë në ekonominë e tregut me ngrirjen e çmimeve dhe me limitimin e marzhit pasi konsiderohet se të gjithë aktorët në shoqëri duhet të jenë të vetëdijshëm dhe të mos i përdorin mundësitë eventuale që t’i rrisin çmimet, por, për fat të keq, siç thotë, akoma si shoqëri nuk jemi pjekur për vlerat reale të tregut.

“Është një koncept për të cilin angazhohem më shumë se 20 vite, ndërsa kjo është gjithmonë kur bën diçka, bëje, por mos e dëmto tjetrin. Kjo do të thotë të përfitosh për veten, por nëse për shkak të përfitimit tënd, këtë e bën mbi supet e qindra njerëzve, vlerësoj se kjo nuk është etike dhe morale dhe sipas rregullave të lojës nuk duhet të zbatohet. Unë jam një ndër të parët që paralajmëroi se do të jemi shumë rigorozë ndaj kompanive dhe nëse ka dakordim të çmimeve për produkte të caktuara pasi e dëmton parimin kryesor të ekonomisë së tregut. Unë jam mbështetës i asaj që të eliminojmë dukuri të tilla dhe jo të ngrijmë çmime. Por për fat të keq, duhej ta bënim atë pasi në shoqërinë tonë akoma nuk jemi pjekur për vlerat reale të tregut të cilat duhet t’i kemi”, thekson zëvendëskryeministri në intervistë.

Related posts

Komuna e Çairit ndanë ndihma finansiare për familjarët e viktimave në Bullgari

Z H

Gjykimi për “dhomën publike” vazhdon më 27 gusht, Prokuroria ka fakte për administratorin e grupit

Z H

Kovaçevski: Mbështetja e Holandës për integrimin tonë evropian është motivim i fortë

Z H

This website uses cookies to improve your experience. We'll assume you're ok with this, but you can opt-out if you wish. Accept Read More