Agjencia Zhurnal.mk.

Bullgaria do të paguajë pensionistët që do të vaksinohen – bëhet e ditur edhe shuma që do të fitojnë të moshuarit

Bullgaria, vendi me shkallën më të ulët të vaksinimit në BE, u premtoi dje pensionistëve një shpërblim në para nëse vaksinohen kundër COVID-19.

 

Si shpërblim për vaksinimin, çdo pensionist do të paguhet 75 leva (rreth 38 dollarë) dhe kjo nismë do të zgjasë deri në muajin qershor të vitit të ardhshëm, raportojnë mediat lokale.

Në Bullgari vetëm 27 për qind e popullsisë është vaksinuar me dy doza, nga të cilat vetëm tre për qind kanë marrë një dozë përforcuese.

“Ekziston rreziku që Bullgaria të bëhet një lloj geto me coronavirus”, paralajmëroi virologia Radka Argirova.

Shumë bullgarë nuk duan të vaksinohen, gjë që shpjegohet me mosbesimin e përgjithshëm ndaj çdo qeverie, por edhe me teoritë e konspiracionit që qarkullojnë në internet.

Vala e katërt e infeksionit arriti kulmin në Bullgari në fillim të nëntorit. Numri i të infektuarve rishtazi është në rënie, dhe incidenca shtatëditore është 149 të infektuar për 100 mijë njerëz. 

Related posts

Numri i rasteve me koronavirus në Itali vazhdon të rritet

D V

Gjermania, Rusia është fajtore për sulmet kibernetike ndaj politikanëve gjermanë

D V

Mediat shtetërore raportojnë për një përpjekje të dështuar për grusht shteti në Sudan

D V

This website uses cookies to improve your experience. We'll assume you're ok with this, but you can opt-out if you wish. Accept Read More