Boxing Day u buzëqeshi skuadrave të mëdha në Ligën Premier pasi Manchester City, Tottenham, Arsenal dhe Chelsea bënë detyrën duke fituar lehtësisht sfidat e tyre respektive.
Qytetarët luajtën tenis ndaj Leicester në Etihad në një ndeshje të dominuar nga skuadra e Guardiolës të cilën Manchester City e fitoi me rezultatin 6-3.
Që City do të merrte fitoren e 9-të radhazi realizoi 4 gola që në pjesën e parë në duelin ndaj dhelprave, me Kevin De Bruyne, Riyad Mahrez, Ilkay Gundogan dhe Reahem Sterling.
Leicester nuk u dorëzua duke provuar gjithçka për gjithçka në pjesën e dytë teksa në harkun e 10 minutave shënoi tre herë me Maddison, Lookman dhe Iheanacho, por vetëm kaq pasi Laporte dhe Sterling vulosën fitoren e City-t që ruajti kreun e Ligës Premier edhe pas javës së 19-të duke u shpallur kampion dimri.
Mori fitoren e katërt radhazi duke blinduar vendin e 4-t Arsenali, që triumfoi me rezultatin e thellë 0-5 në transfertën ndaj Norwich City.
Dygolëshi i Bukayo Saka dhe finalizimet e Kiran Tierney, Alexandre Lacazette dhe Smith-Rowe i dhanë një fitore të rëndësishme Arsenalit që e ngjitën në kuotën e 35 pikëve.
Falë golave të Harry Kane, Lucas Mouras, dhe Heung min Son, bëri detyrën edhe Tottenham i Contes që triumfoi me shifrat 3-0 ndaj Crystal Palace.
Edhe Chelsea ka marr fitore të madhe në udhëtim te Aston Villa, duke i mposhtur 3-1. Reecce James shënoi autogol i pari, por Chelsea fitoi me dy golat e Jorgihnos dhe një të Romelu Lukakut.
