Agjencia Zhurnal.mk.

Borxhi i jashtëm neto në fund të tremujorit të dytë arriti 4.324 milionë euro

Shkup, 29 shtator – Në fund të tremujorit të dytë të këtij viti, borxhi i jashtëm neto arriti në 4,324 milionë euro (ose 30.5 për qind e BPV-së së projektuar), kumtoi sot Banka Popullore.

Sipas të dhënave të BPV-së, borxhi i jashtëm neto në vend, në tremujorin e dytë të vitit 2023 është rritur për 121 milionë euro, ose për 2.9 për qind. Nga aspekti i strukturës, borxhi neto privat vazhdon të ketë një peshë më të madhe në totalin e borxhit neto me 62 për qind. Krahasuar me fundin e vitit 2022, borxhi i jashtëm neto është rritur me 12 milionë euro (ose 0.3 për qind), në kushte të rritjes së borxhit publik neto (me 88 milionë euro) dhe uljes së borxhit privat neto (me 76 milionë euro).

Gjatë tremujorit të dytë të këtij viti, neto negativ i pozicionit të investimeve ndërkombëtare u rrit me 226 milionë euro dhe arriti në 8,357 milionë euro, që paraqet 58,9 për qind të BPV-së së projektuar për vitin 2023.

Krahasuar me fundin e vitit 2022, borxhi i jashtëm bruto është më i lartë për 607 milionë euro, ose për 5.6 për qind. Gjithashtu, në gjysmën e parë të vitit 2023, borxhi pa efektin e aktiviteteve specifike për administrimin e rezervave valutore të bankës qendrore është rritur me 677 milionë euro. Rritja është rezultat i rritjes së borxhit të jashtëm publik (me 408 milionë euro) dhe rritjes së borxhit privat (me 269 milionë euro). Rritja e borxhit publik është rezultat i rritjes së detyrimeve të sektorit “shtetëror” (për 455 milionë euro), në kushtet e uljes së detyrimeve të bankave publike dhe ndërmarrjeve publike (për 42 milionë euro). Sa i përket borxhit privat, rritje është vërejtur te subjektet e lidhura me kapitalin (me 292 milionë euro) dhe sektori privat jobankar (me 42 milionë euro), ndërsa borxhi i bankave private ka shënuar rënie (me 66 milionë euro).

Kërkesat e jashtme bruto, në fund të tremujorit të dytë të vitit, arrijnë në 7,074 milionë euro (ose 49.9 për qind të BPV-së së parashikuar) dhe shënuan rritje tremujore prej 216 milionë euro (ose 3.2 për qind). Nëse përjashtohet efekti i aktiviteteve specifike të bankës qendrore lidhur me menaxhimin e rezervave valutore, kërkesat e jashtme bruto janë rritur me 215 milionë euro dhe arrijnë në 6,995 milionë euro. Ky ndryshim tremujor është rezultat i rritjes së kërkesave private me 168 milionë euro dhe rritjes publike me 48 milionë euro.

Siç sqaron banka qendrore, rritja tremujore negative, neto, rezulton nga rritja më intensive e detyrimeve (me 467 milionë euro) në raport me rritjen e mjeteve (me 241 milionë euro). Shikuar sipas instrumenteve, detyrimet neto në bazë të borxhit instrumentet janë rritur me 121 milionë euro, ndërsa detyrimet neto të bazuara në instrumente të kapitalit neto janë rritur me 105 milionë euro.

Krahasuar me fundin e vitit 2022, PNI- negativ, neto, është rritur për 209 milionë euro, si rezultat i rritjes së detyrimeve neto të bazuara në instrumente të kapitalit (me 197 milionë euro) dhe instrumenteve të borxhit (me 12 milionë euro). 

Related posts

Rizvanoviq: Gjithçka është e qartë, qeverinë e ardhshme e formojnë VMRO-DPMNE, VLEN dhe ZNAM!

I Z

Osmani: Jam thellësisht i nderuar dhe i përulur nga besimi dhe mbështetja juaj

D V

Shqiptarët vendimtarë për fitore në rrethin e dytë!

I.A

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
Clicky