Agjencia Zhurnal.mk.

Biden për herë të parë në një samit të NATO-s

Presidenti i SHBA Joe Biden do të marrë pjesë sot për herë të parë në një samit të NATO-s, ndërsa 30 vendet kërkojnë të lënë pas vitet e tensionuara të administratës së Donald Trump dhe në vend të kësaj ta drejtojnë vëmendjen e tyre ndaj kërcënimeve të jashtme.

 

Udhëheqësit duhet të dërgojnë një mesazh ndaj një Rusie gjithnjë e më agresive, kundërshtari tradicional i aleancës së mbrojtjes, ngritjen e Kinës në skenën botërore, çështjet e sigurisë në lidhje me ndryshimin e klimës, mbrojtjen kibernetike si dhe teknologjinë e re ushtarake.

Për më tepër, Aleatët pritet të nënshkruajnë një plan reformash për vitin 2030 dhe zyrtarisht të vendosin të fillojnë rishikimin e konceptit të tyre kryesor strategjik, i cili u përditësua për herë të fundit në 2010.

Kreu i SHBA po planifikon gjithashtu një takim dypalësh me presidentin turk Recep Tajip Erdogan.

Një çështje tjetër e rëndësishme është tërheqja e vazhdueshme e NATO-s nga Afganistani gati 20 vjet pas pushtimit të SHBA pas sulmeve të 11 shtatorit.

Ndërsa aleatët e NATO-s duhet të mbajnë financimin, sigurinë dhe mbështetjen civile, natyra e saktë e bashkëpunimit në të ardhmen me autoritetet afgane ende nuk është përcaktuar. /ATSH

Related posts

Udhëheqësit e Azisë Juglindore takim në Uashington më 12-13 maj

Xh M

Johnson: Populli ukrainas me trimërinë e tyre po inspirojnë miliona njerëz në mbarë botën

D V

Një i moshuar i Shangait duke u dërguar në një morg, i futur në një qese – pastaj u kuptua se ishte ende gjallë

D V

This website uses cookies to improve your experience. We'll assume you're ok with this, but you can opt-out if you wish. Accept Read More