Agjencia Zhurnal.mk.

Besimi: Rritja më e shpejtë ekonomike dhe rritja e standardit në krye të listës së prioriteteve

Shkup, 2 korrik – Ky vit do të jetë vit i rimëkëmbjes, pas së cilës Republika e Maqedonisë së Veriut do të angazhohet që të arrijë qëllimet prioritare lidhur me përshpejtimin e rritjes dhe zbatimin e axhendës evropiane. Partneriteti afatgjatë dhe përkrahja e Shteteve të Bashkuara të Amerikës në zhvillimin shoqëror dhe ekonomik të Maqedonisë së Veriut, si dhe në integrimet euroatlantike kanë rëndësi të paçmuar për vendin tonë në realizimin e prioriteteve.

Ministri i Financave Fatmir Besimi, sot në margjinat e Dialogut të Forumit të Prespës realizoi takim me ndihmës sekretarin shtetëror dhe zëvendësndihmës sekretarin në Byronë për Çështje Evropiane dhe Euroaziatike në Stejt Departamentin e SHBA-së Filip Riker dhe Methju Palmer si dhe ambasadoren e SHBA-së, Kejt Mari Bërnz, ku u diskutua për bashkëpunimin dhe perspektivat e ekonomisë sonë.

Prioritetet e Qeverisë dhe Ministrisë së Financave janë arritja e normave më të larta të rritjes ekonomike prej 4% në 5% në nivel vjetor, si dhe rritja e pagave prej 20% deri në 30% në periudhën afatmesme me qëllim që të përmirësohet standardi i jetesës së qytetarëve. Këtë do ta synojmë përmes zbatimit të politikës fiskale në periudhën afatmesme, e cila do të orientohet në drejtim të investimeve, rimëkëmbjes dhe rritjes së qëndrueshme dhe konsolidimit fiskal. Në këtë drejtim, tashmë është bërë një hap i rëndësishëm përmes përgatitjes së legjislacionit përkatës që do të jetë bazë për zbatimin e këtyre reformave siç janë: Ligji i ri për buxhetet, i cili u miratua nga Qeveria, Strategjia fiskale afatgjate dhe Strategjia për menaxhimin e borxhit publik, Strategjia për reformën tatimore, si dhe plani ambicioz shumëvjeçar i investimeve.

Nga aspekti i rritjes së investimeve, në Ministrinë e Financave, Plani për financimin e rimëkëmbjes ekonomike dhe rritjes së përshpejtuar është në fazën përfundimtare i cili synon t’i multiplikojnë mjetet për investime përmes angazhimit të kapitalit privat. Në këtë mënyrë, axhenda e planifikuar zhvillimore mund të arrihet më shpejt dhe njëkohësisht do të mund të zbatohet konsolidimi fiskal.

Në këtë takim, të dyja palët shprehën angazhimin e theksuar për vazhdim të bashkëpunimit dhe partneritetit të mirë, si dhe mbështetjen për realizimin e prioriteteve në ndërtimin e një shoqërie më të mirë dhe një ekonomie më të fuqishme.

Related posts

 Zbulohen kandidatët për deputetë të “Frontit Europian”, mes tyre Arbana Pasholli, Ilire Dauti e Fatmire Isaki

Xh M

Ndërroi jetë kryetari i parë i Komunës së Tetovës

Xh M

VLEN hap shtabet në Zhelinë dhe Saraj

Redaksia

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy