Agjencia Zhurnal.mk.

Berisha: Dënoj manipulimin e pandërprerë të Beogradit me serbët në veri

Ish-kryeministri i Shqipërisë, Sali Berisha ka reaguar pas zhvillimeve të fundit në veri të vendit.

Berisha ka dënuar manipulimin e pandërprerë të Beogradit me serbët në veri të Kosovës, si dhe ka mbështetur të drejtën e autoriteteve kosovare.

“Tensione të forta në Veri të Kosovës.Të dashur miq, fillimi detyrës të kryekomunarëve të rinj në komunat e Veriut të Kosovës solli reagimin nga serbomadhi Vuçiç, manipulimin e grupeve serbe në këto komuna dhe rritjen e fortë të tensioneve lokale”, është shprehur ai.

Berisha ka ftuar ndërkombëtarët të ndërmarrin hapat e duhur për çtensionimin e situatës, rivendosjen e dialogut dhe zbatimin e Marrëveshjes së Ohrit, si interesi më i mirë i Republikës së Kosovës dhe qytetarëve të saj, paqes dhe stabilitetit në rajon.

“Duke dënuar manipulimin e pandërprerë të Beogradit me serbët në veri të Kosovës dhe duke mbështetur të drejtën e autoriteteve të Kosovës për të vendosur ligjin në të gjithë territorin e vendit të tyre, ju bejë thirrje këtyre autoriteteve të shmangin rritjen e tensioneve dhe në bashkëpunim dhe bashkërendim me KFOR-in dhe partnerët kryesor NATO-n, Bashkimin Europian dhe SHBA, të ndërmarrin hapat e duhura për çtensionimin e situatës, rivendosjen e dialogut dhe zbatimin e Marrëveshjes së Ohrit, si interesi më i mirë i Republikës së Kosovës dhe qytetarëve të saj, paqes dhe stabilitetit në rajon”, ka thënë Berisha.

Related posts

Qëlluan drejt policisë në pikën kufitare me Kosovën/ SPAK kërkon ‘arrest me burg’ për shtatë shtetasit e huajt

Xh M

Cikloni Mesdhetar afrohet drejt Shqipërisë, çfarë pritet të ndodhë?

Xh M

U vra nga fëmijët, vëllai i jep lamtumirën e fundit 50-vjeçarit në Durrës

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy