Qeveritë e vendeve të Bashkimit Evropian ranë dakord në parim sot për të kufizuar çmimin e naftës ruse që vjen nga deti në 60 dollarë për fuçi, raportoi Rojters duke cituar një deklaratë të një diplomat anonim nga BE-ja.
Sipas tij, kufiri i çmimit do të zbatohej duke aplikuar një mekanizëm korrigjues që duhet të mbajë kufirin e sipërm të çmimit 5.0 për qind nën çmimin e tregut.
Polonia, e cila po mundohet për një kufi çmimi shumë më të ashpër, ka kohë deri në orën 15:00 sipas Griniç të pranojë marrëveshjen, e cila më pas do të miratohet nga të gjitha qeveritë e BE-së në një procedurë me shkrim deri të premten, shtoi burimi i Rojters.
“Blumberg”, gjithashtu raportoi se ishte arritur një marrëveshje kornizë për të kufizuar çmimin në 60 dollarë.
Agjencia njujorkeze shënon se BE-ja është në qorrsokak për këtë çështje që nga java e kaluar, pasi Polonia, Estonia dhe Lituania këmbëngulën se kufiri i propozuar fillimisht prej 65-70 dollarë për fuçi ishte “shumë bujar” për Moskën dhe në vend të kësaj duhej të vendosej në 30 dollarë.
Nga ana tjetër, vendet kryesore detare, duke përfshirë Greqinë, Maltën dhe Qipron, avokuan që kufiri të vendosej në rreth 70 dollarë për fuçi.
