Presidenti i SHBA-së, Xho Bajden, mbrëmë hapi takim me liderët e vendeve të Azisë Juglindore me premtim prej 150 milionë dollarëve për ndërtimin e infrastrukturës, sigurisë, gatishmërisë që të përballen me pandeminë dhe përpjekjet tjera në ato vende.
Me liderët e Asociacionit të shteteve të Azisë Juglindore (ASEAN) Bajdeni u takua në darkë solemne mbrëmë në Uashington, ndërsa sot në Departamentin e shtetit fillojnë diskutimet me liderët e Brunei, Indonezisë. Kamboxhas, Singaporit, Tajlandës, Laosit, Vietnamit, Malajzisë dhe Filipineve.
Edhe krahas vëmendjes së marrë me luftën në Ukrainë, me këtë ngjarje Administrata e Bajdenit shpreson të tregojë se Uashingtoni mbetet i përkushtuar dhe i fokusuar në Rajonin e Oqeanit të Qetë dhe sfidat afatgjate nga ana e Kinës, në të cilën SHBA-ja shikon konkurrent kryesor në skenën botërore.
Obligimet e reja financiare ndaj këtyre vendeve përfshijnë investime në infrastrukturë në vlerë prej 40 milionë dollarëve të orientuara ndaj zero gazeve të lëshuara në energjetikë, 60 milionë dollarë për sigurinë e ujërave të deteve, 15 milionë për shëndetësinë për detektim të hershëm të Kovid-19 dhe sëmundje të tjera pandemike.
Më shumë investime do të ndihmojnë për zhvillimin e ekonomisë digjitale dhe inteligjencës artificiale.
