Presidenti amerikan Xho Bajden paralajmëroi kompanitë e energjisë që të mos përdorin uraganin Ian si justifikim për të rritur çmimet e naftës dhe gazit.
“Dua të shtoj një paralajmërim tjetër – paralajmërim për drejtuesit e industrisë së naftës dhe gazit. Mos, e përsëris, mos e përdorni këtë si justifikim për të rritur çmimet e gazit ose për të torturuar popullin amerikan”, tha Bajden në fillim të konferencës mbi urinë në Amerikë.
Biden thotë se uragani “nuk ofron asnjë justifikim për të rritur çmimet në pikat e karburantit” – SHBA po shikon. Industria duhet të bëjë gjënë e duhur, shtoi Biden.
Ai vuri në dukje se çmimet e naftës kanë rënë ndjeshëm nga rekordet destabilizuese ekonomike në fillim të këtij viti dhe vlerësoi se “çmimi i gazit duhet të ulet gjithashtu”.
Presidenti potencoi se këshilltarët i thanë atij se më pak se dy për qind të prodhimit ditor të naftës në SHBA ishte prekur nga uragani, kështu që “ky ndikim i vogël, i përkohshëm i stuhisë në prodhimin e naftës nuk jep asnjë justifikim.”
“Nëse çmimi i karburantit rritet ndjeshëm, do t’u kërkoj zyrtarëve të kontrollojnë nëse rritja e çmimeve po vazhdon”, tha ai.
Ka disa shenja se çmimet mesatare të gazit janë rritur ndjeshëm në Floridë me afrimin e uraganit.