Shkup, 31 mars – Oda Veterinare e Republikës së Maqedonisë së Veriut sot në Shtëpinë e Organizatave Humanitare “Dare Xhambaz” në Shkup do të mbajë kuvendin e 27-të të rregullt vjetor, në kuadër të të cilit me Agjencinë për Ushqim dhe Veterinari do të nënshkruhet Metodologjia për për përcaktimin e çmimeve për aktivitetet me interes publik.
Dokumenti do të nënshkruhet nga drejtori i Agjencisë për Ushqim dhe Veterinari, Nikollçe Babovski dhe drejtori ekzekutiv i Odës Veterinare, Tomisllav Nikollovski.
Me nënshkrimin e këtij dokumenti të rëndësishëm, siç theksojnë nga Oda, në mënyrë sistematike dhe të përhershme dotë zgjidhet problemi me përcaktimin e çmimeve për aktivitetet, të cilat shoqatat veterinare i kryejnë me urdhër të shtetit, ndërsa kanë të bëjnë në zbatimin e masave parandaluese te kafshët, për sëmundjet të cilat, para së gjithash, kanë rëndësi për shëndetin publik.
“Problemet e pazgjidhura shumëvjeçare me çmimet për aktivitete me interes publik kanë qenë rast në të kaluarën e afërt për protesta të veterinerëve dhe paralajmërime të ndërprerjes së punës, kështu që zgjidhja e këtij problemi urgjent paraqet një sukses shumë të rëndësisëm dhe fryt i bashkëpunimin e përbashkët mes OVM-së dhe AUV-së”, theksojnë nga Oda Veterinare.
