Austria është shprehur e gatshme të bashkëpunojë me Kosovën në fushën e mbrojtjes në funksion të paqes.
Këtë e ka thënë sot ambasadori i Austrisë në Kosovë, Christoph Weidinger, gjatë një takimi që ka pasur me ministrin e Mbrojtjes, Armend Mehaj.
Me këtë rast ambasadori Weidinger ka uruar ministrin Mehaj për detyrën, duke potencuar se Austria do të vazhdojë të mbështesë Qeverinë e Kosovës, sikurse edhe popullin e Kosovës, në procesin e integrimeve euroatlantike.
“Nga ana e tij ministri Mehaj falënderoi ambasadorin Weidinger për mbështetjen e shumanshme të Austrisë për zhvillimin e vendit, si dhe shprehu vullnetin dhe gatishmërinë për zhvillimin e bashkëpunimit bilateral edhe në fushën e mbrojtjes në funksion të paqes, sigurisë dhe stabilitetit rajonal dhe më gjerë”, thuhet në njoftimin e Ministrisë.
