Në mesin e shumë spekulimeve që po qarkullojnë me të madhe në portalet shqiptare, javëve të fundit u ngrit një hipotezë e re sa i përket prezantueses Arta Nitaj.
U tha se ajo po shijon një romancë me aktorin e njohur, Romeo Veshaj. Shkas u bënë disa fotografi në të njëjtin vend të Artës dhe Romeos.
Ata të dy pozuan përpara një restoranti luksoz. Përkundër se intervalet e fotografive ishin me një diferencë prej disa ditësh, kaq iu mjaftoi një pjese të portaleve shqiptare.
Foto: Arta Nitaj/Instagram
E kontaktuar nga Prive, ajo zbuloi raportin e saj me Romeon, që siç pritej, nuk kishte lidhje me atë që thuhej në një pjesë të medias online.
“Një nga figurat publike shqiptare që nuk e njoh nga afër dhe nuk e kam takuar kurrë është Romeo. Thjesht kemi bërë foto në të njëjtin vend, tek restoranti “Namos”. Për Vitin e ri Romeo s’ka qenë në Dubai, pra nuk kemi festuar bashkë. Kam Romeon tim, unë Zhulieta” – u shpreh Arta.
Lajmi kryesor në këtë reagim, përpos demantimit është ai i lidhjes së Artës. Ajo duket se po e shijon një lidhje plot romancitet me Romeon e saj i cili s’është Veshaj!
Foto: Romeo Veshaj/Instagram
