Agjencia Zhurnal.mk.

Arsovska: Qyteti i Shkupit do të funksionojë ashtu si deri tani por me persona me integritet

Shkup, 22 shtator – Qyteti i Shkupit do të funksionojë ashtu siç deri më tani, por unë besoj se me personat që do të kenë pak më shumë integritet se ata që, siç e pamë, e vetmja gjë që u intereson janë prapavijat të motivuara politikisht, deklaroi sot kryetarja e Qytetit të Shkupit Danella Arsovska.

 

“Mendoj se ata vetë kanë thënë mjaftueshëm për atë që ka ndodhur në periudhën e kaluar. Pak kontradiktore, nga njëra anë kishin liri të plotë për të realizuar projekte të shumta të cilat i listojnë, dhe në anën tjetër tregojnë për një mungesë komunikimi”, theksoi Arsovska, duke iu përgjigjur pyetjeve të gazetarëve për dorëheqjen e drejtorit të NP “Parqe dhe Gjelbërime”, i cili është drejtori i pestë i ndërmarrjes publike të Qytetit të Shkupit që ka dhënë dorëheqje pas paralajmërimit të ndërprerjes së bashkëpunimit të koalicionit të udhëhequr nga VMRO-DPMNE me kryetaren e Qytetit të Shkupit.

Për qytetarët është e qartë, shtoi ajo, se ata ishin aty për ta bërë punën e tyre me përgjegjësi dhe ndershmëri.

“Por nëse liderët e partive të tyre janë ata që do t’u diktojnë se si të veprojnë në jetë, më duhet të them se është keqardhje e madhe për qytetarët që prisnin diçka më shumë prej tyre”, tha Arsovska.

Në lidhje me pyetjen nëse do të ketë u.d drejtor të ri në funksionet e lira, Arsovska tha se ka afate ligjore në të cilat do të veprohet me atë që duhet të përfundoj.

Related posts

“Ballkani i Bashkuar për ajër të pastër”: Ajri i pastër në rajon shkakton mbi 30.000 vdekje të parakohshme

Z.H

Ministrja e jashtme bullgare jep dorëheqje pasi mësoi se Petkov ka dashur të heqë veton ndaj RMV-së

Z.H

Të drejtë për rekomandime për mjekim në kushte shtëpie ka vetëm mjeku amë, thotë Filipçe

D V

This website uses cookies to improve your experience. We'll assume you're ok with this, but you can opt-out if you wish. Accept Read More