Agjencia Zhurnal.mk.

Arrestohet shtetasi serb në Vushtrri, tentoi t’u jap ryshfet zyrtarëve policorë

Policia e Kosovës ka arrestuar një shtetas serb në rrugën nacionale Mitrovicë-Prishtinë, i cili pasi ka pranuar një gjobë trafiku, u kishte ofruar ryshfet zyrtarëve policorë. 

 

Siç njofton Policia, shtetasi serb ua kishte ofruar 1 mijë dollar zyrtarëve policor, transmeton Telegrafi.

“Sot, më 30.07.2021, njësia policore, gjatë zbatimit të Planit Operativ ‘Siguria në trafik’, respektivisht gjatë kontrollit të shpejtësisë të automjeteve në një pikë kontrolli, në rrugën nacionale Mitrovicë-Prishtinë (në Vushtrri), kanë ndaluar një automjet, drejtuesi i të cilit kishte tejkaluar shpejtësinë e lejuar.

Zyrtarët policorë, pas ndaljes së veturës, drejtuesit të saj ia bëjnë me dije arsyen e ndaljes. Gjatë kohës që zyrtarët policorë po shqiptonin gjobën për tejkalim shpejtësie, i dyshuari B.Gj., viti i lindjes 1978, mashkull serb, ka kërkuar nga zyrtarët policorë të mos i shqiptojnë tiketë dhe ua ka ofruar 1000 (një mijë) dinarë (monedhë e Serbisë)”, njofton Policia e Kosovës.

Tutje, në njoftim thuhet se zyrtarët policorë kanë ftuar në vend-ngjarje Njësinë e hetimeve të PK-së, të cilët kanë iniciuar rastin ‘dhënie ryshfeti’, kanë konfiskuar kartëmonedhën.

I dyshuari është arrestuar dhe dërguar stacion policor. Pas intervistimit të të dyshuarit, me vendim të prokurorit kujdestar, atij i është caktuar masa e ndalimit prej 48 orëve.

Related posts

Gjendet trupi i pa jetë i një femre në liqenin e Badovcit

D V

Aksident i rëndë në Haraçinë, humb jetën një person

Redaksia

Lajmi Fundit/ Aksident i rëndë në Shkup (VIDEO)

D V

This website uses cookies to improve your experience. We'll assume you're ok with this, but you can opt-out if you wish. Accept Read More