Aksioni i sotëm i Prokurorisë Themelore të Ferizajt përfundoi me 7 të arrestuar, njëri prej tyre ish zyrtar i lartë i Ministrisë se Mjedisit dhe tjetri vazhdon të jetë pjesë e Ministrisë së Infrastrukturës dhe Mjedisit.
KALLXO.com merr vesh se të arrestuar janë edhe ish-sekretari i Ministrisë së Ambientit, Arben Çitaku dhe Bedri Halimi, kryeinspektor në këtë ministri.
Gjithashtu merret vesh se ndaj tyre Prokuroria Themelore e Ferizaj ka lëshuar vendimin për ndalim te 48 orëve për ish sekretarin e Ministrisë së Mjedisit dhe për kryeinspektorin, Bedri Halimi.
Mësohet se këta janë të ndaluarit e parë lidhur me rastin e sotëm ku u bastisen 10 lokacione duke përfshirë edhe zyrat e ministrisë së Infrastrukturës dhe Ambientin.
